super.kg logo

Кайрадан жанданган Апрель соту чыр менен башталды

 
Айдабосунова Нурия, "Мекен шейиттери" уюмунун тең төрайымы
Осунбек Жамансариев, "Эл теги" уюмунун төрагасы
Кайрадан жанданган Апрель соту чыр менен башталды. 2014-жылдын 25-июлунда Аскер соту 2010-жылы 7-апрелде аянтта каза тапкан 77 адамдын өлүмү боюнча сот ишинде күнөөлүүлөрдү аныктап, чечимин чыгарган болчу. Ал чечим жабырлануучу тараптын айрымдарын канааттандырса, айрымдары нааразычылыктарын билдиришкен. 7-апрелде каза болгон жарандардын жакындары тарабынан түзүлгөн "Мекен шейиттери" коомдук уюмунун өкүлү болгон Осунбек Жамансариев сот чечими негизинен канааттандырарлык экендигин билдирип, О.РебенокР.БайтоковС.Цигельников аттуу “Альфа” атайын кызматынын аскерлерине карата чыгарылган актоо өкүмүн гана кайра артка кайтарууну өтүнүшөрүн айткан.
Бүгүн, 15-сентябрда кайра жанданган Апрель сотунда жогоруда аттары аталган 3 “Альфа” атайын кызматтагы аскерлери эле эмес, дегеле аталган соттук процессте мурдатан айыпталуучу болуп келген бардык адамдардын үстүнөн апелляциялык арыз түшүп, сот иши толугу менен кайрадан жанданары белгилүү болду. Айыпталуучулардын, алардын жактоочуларынын жана жабырлануучу тараптын өкүлдөрүнүн аттары окулуп, Осунбек Жамансариевдин да ысымы окулганда "Мекен шейиттери" уюмунун тең төрайымы болгон Айдабосунова Нурия айым: "Осунбек Жамансариевдин бул жерде жабырлануучу тараптын атынан отурганына түшүнбөй жатам, биз ага ишеним артпайбыз деп уюмдан чыгарып койгонбуз",- деди. Ал эми О.Жамансариев өз кезегинде: "Мен "Эл теги" коомдук уюмунун атынан катышып жатам. Биздин уюм 7-апрелде каза тапкандардын жакындары тарабынан түзүлдү, мурда "Мекен шейиттериндеги" 52 адам ушундай коом түзүп, мен ага төрага катары шайлангам. Мен ошолордун кызыкчылыгын коргоп жатам. Бул жерде коомчулуктун астында оюн көрсөтө берүүнүн кажети жок",- деген жообун айтты. Алардын кайым айтышуусунан кийин сот иши айыпталуучу тараптын айрым бир жактоочулары келбей калгандыгынан улам 22-сентябрга жылдырылды. 
Сот залынан чыккан соң, "Мекен шейиттери" жана "Эл теги" аталган коомдук уюмдарынын төрагаларына кайрылып, алардын ойлорун уктук.
Айдабосунова Нурия, "Мекен шейиттери" коомдук уюмунун тең төрайымы : "Соттук иш кайрадан башталышы керек. Ошондуктан биз айыпталып жаткандарга тиешелүү акыйкат чечим чыгыш үчүн кайрадан апелляциялык арыз жазганбыз. Мен "Мекен шейиттери" коомдук уюмунун тең төрайымы боломун. Ал эми Осунбек Жамансариевди уюмдун мүчөлөрү ишеним көргөзбөй катарыбыздан чыгарган. Себеби ал жабырлануучу тараптын кызыкчылыгын коргобой келген. Тескерисинче, "Альфа" атайын кызматтагы аскерлерин күнөөсүз деп жатат",- деген оюн айтты.
Ал эми О.Жамансариев: "Биз эч кандай чыр кылгыбыз келген жок. "Мекен шейиттери" коомдук уюмунда буга чейин болуп келген адамдардын арасынан 52си мени төрага кылышып, "Эл теги" коомдук уюмун түзгөнбүз. Мен ошол уюмдун кызыкчылыгы үчүн катышып жатам. "Мекен шейиттери" ар кандай сын айтып жатышат. Мен ушунча жылдан бери бир да сот отурумунан калбай катышып келе жатам. Мыйзамды сыйлашыбыз керек, мыйзамдын алкагында иш алып барылып жатса эле жөн эле айгай сала бергеним болбойт да",- деп билдирди.
Аталган соттук иш боюнча 2010-жылдын 17-ноябрында биринчи соттук отурум башталган. Ошондон тарта Апрель окуясы боюнча соттук териштирүү башталганына 3,5 жылдан ашты. Кыргызстандын тарыхындагы эң узакка созулган жана чуулгандуу материалдардын жалпы көлөмү 64 томду түздү. Анда 306 адам жабырлануучу катары өттү. Эки тараптын кызыкчылыгын коргогон адвокаттардын жалпы саны 20дан ашып, мамлекеттик айыптоо тарабынан ишке 7 мамлекеттик айыптоочу тартылган. Ушул жылдын 25-июлунда аталган соттук иш боюнча чечимдер угузулуп, бирок апелляциялык арыздын негизинде сот иши кайра жанданды. Бирок бул жолу жабырлануучу тараптын экиге бөлүнүп кеткени сот отурумдарынын создуктурулушуна себеп болору айтпаса да белгилүү.
 


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(9)
15.09.2014. 15:05 
Тайпасы:
Кыймылы жок
Комментарийлердин саны:
63
Катталган:
07-03-2014
Соӊку аракети:
04-11-2014 18:28
Жынысы:
Белгисиз
Калаасы:
Ош ( japalak )
0
Бизди бут коншуларга шерменде кылып бутуштуго бул бийлик . Шерменде эле 7- апрельге куноолулор ак уйдо олтурушат чалкалааап.Президентибиз ХХХ ХХХ ХХХ... 3,5 жылдан бери буларды судуролтпой тарс тарс чечип нары же бери кылбайбы!? ушундайда сот болчу беле деп кошуналар оозу менен эмес башка жагы менен кулуп ататго .Ак уйдогулор уяттан кийин туулган арам курсактар .120 отурасын чалкалап ачык созду айталбай, чындыкты суйлоп койсом мандатымы алып коет деп.Бетинер бет эмес эле ... экен!
Модератор admin_portal түзөттү 15.09.2014 15:18
15.09.2014. 15:19 
Тайпасы:
Супермодератор
Комментарийлердин саны:
8472
Катталган:
19-11-2013
Соӊку аракети:
28-01-2020 18:10
Жынысы:
Белгисиз
-1
uylaak - эскертүү!
Кимдир бирөөнү кемсинтип, мазактаган билдирүүлөрдү калтырууга тыюу салынат.
15.09.2014. 16:35 
Тайпасы:
Кыймылы жок
Комментарийлердин саны:
176
Катталган:
06-10-2013
Соӊку аракети:
16-09-2017 17:30
Жынысы:
Белгисиз
+2
Бакиевтин уйун тоногондор азыр бийлик башкарып чогу журот... Канчалаган алтындар Черкешовичтин колунда турат. Бул нерсени бир эле мен эмес баардык эл билет.. коробуз дагы канча базарынар оторун. Буга далил Юсупов.
15.09.2014. 17:35 
Тайпасы:
Кыймылы жок
Комментарийлердин саны:
136
Катталган:
10-09-2014
Соӊку аракети:
27-01-2015 22:32
Жынысы:
Белгисиз
0
Ээ кыргыз элим кыйын болду го кыйын,чет элде журуп кыргызстандагы окуяларды коруп ыйлагын келет.
15.09.2014. 17:53 
Тайпасы:
Кыймылы жок
Комментарийлердин саны:
173
Катталган:
02-08-2014
Соӊку аракети:
25-11-2014 15:56
Жынысы:
Белгисиз
Калаасы:
Ош-Москва
-1
Жаны бийлик 80-90процент катыштуулугу бар революции да адамдар олуп атканда кебир азыр бийликте олтурган атка минеерлер кантип бакиевтин уйун тоношту канча документерди байлуу буйумдарын кайака кантип бектишти пландаштырган. Максим галустугун таанып ким кийип жургонун билдирбедиби еле ел озунор баамдап алгыла кийинки шайдоодо адашпайтурган болуп
15.09.2014. 22:51 
Тайпасы:
Жаран
Комментарийлердин саны:
235
Катталган:
27-11-2013
Соӊку аракети:
26-01-2020 16:21
Жынысы:
Белгисиз
0
Куносуз бироону кунолойт да эми
16.09.2014. 05:39 
Тайпасы:
Кыймылы жок
Комментарийлердин саны:
56
Катталган:
20-08-2014
Соӊку аракети:
02-03-2018 13:59
Жынысы:
Белгисиз
0
Апрель окуясына куноолулор чын эле такта олтурушат,анан ошолор менен тили бир соттор чондорду айыптуу деп тапмак беле,конечно сотту созуп журо беришет да карапайым эл чарчагыча же дагы бир бейкуноо байкушту тыгып коет все иш бутту,анан паланча кылмыштын бетин ачты деп сыйлыктарга ээ болуп отура беришет чадап.
16.09.2014. 05:41 
Тайпасы:
Кыймылы жок
Комментарийлердин саны:
56
Катталган:
20-08-2014
Соӊку аракети:
02-03-2018 13:59
Жынысы:
Белгисиз
0
Чардап
16.09.2014. 07:26 
Тайпасы:
Кыймылы жок
Комментарийлердин саны:
34
Катталган:
28-07-2010
Соӊку аракети:
04-03-2019 22:46
Жынысы:
Белгисиз
Калаасы:
кыргызстан
0
булар эмне уктап жатып эстерине тушуп кеттиби революция куну, Ош окуясын деле уктаганча карап койсонор болмок , кар жаады из басты кылбай аны.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136699;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: