реклама
super.kg logo

Кыргызстандан бир дагы университет КМШ өлкөлөрүнүн мыкты 20 рейтингине кирген жок

 

КМШ өлкөлөрүнүн арасындагы мыкты 20 университеттин рейтингинде Кыргызстандын бир дагы жогорку окуу жайы орун алган жок. Бул тууралуу “Эксперт РА” рейтинг жүргүзүүчү агенттиги маалымдайт.

Маалыматка ылайык, Олег Дерипаска жетектеген “Вольное дело” фондунун колдоосу менен биринчи жолу КМШ өлкөлөрүндөгү жогорку окуу жайлардын рейтинги түзүлгөн. Тизмеге Орусия, Украина, Казакстан, Беларусь, Молдова, Өзбекстан, Азербайжан жана Кыргызстандан жалпы 153 жогорку окуу жайы кирген. Рейтинг статистикалык билдирме жана 5,5 миңге жакын окутуучу, чоң ишканалардын жетекчилери, студент, аталган тармакка тиешелүү адистер, бүтүрүүчүлөрдүн пикиринен улам түзүлгөн.

Аталган рейтингге катышкан жогорку окуу жайлары "А" тамгасынан "Еге" чейинки 5 класска бөлүнгөн. "А" классына бүтүрүүчүлөрдү даярдоо деңгээли жогорку окуу жайлары кирсе, "В" классында эң мыкты, деңгээли жогорку окуу жайлары болгон. "С", "Д" жана "Е" класстарына мыкты окутуу системи жана бүтүрүүчүлөрдү татыктуу деңгээлде даярдаган окуу жайлары камтылган.        

Жүргүзүлгөн рейтингдин натыйжасында "А" классына М.В.Ломоносов атындагы Москва мамлекеттик университети кирди. "В" классында Орусиянын 18, Украинанын 3, Беларустун 1 жогорку окуу жайы бар. 

Кыргызстандагы университеттердин ичинен Кыргыз-Орус Славян университети 61-орунга татыды.  

“ЖОЖдордун рейтинги”, “Эксперт РА” рейтинг жүргүзүүчү агенттиктеринин аткаруучу директору Алексей Ходыревдун айтымында, рейтингге кирген ЖОЖдун 70 пайызы классикалык же техникалык. Бул элита жогорку мектептердин негизин түзөт. 

Маалыматка таянсак, бүгүнкү күндө башкаруу, экономикалык, гуманитардык окуу жайларынын бүтүрүүчүлөрүнө караганда алдынкы техникалык окуу жайларынын бүтүрүүчүлөрү көп талап кылынат. Иш берүүчүлөр талап кылган бүтүрүүчүлөрдүн 31 окуу жайына мыкты деген баа берилген. Алардын ичинен 17си техникалык, 9у көп профилдүү университеттер жана 5и гана экономикалык багытта иш алып барат.

Изилдөөлөрдүн негизинде КМШ өлкөлөрүндөгү жогорку окуу жайларын “бизнес жааты” форматына которуу жөнүндө бир да пикир айтылган эмес.

Ошондой эле, аналитиктердин байкоосу боюнча, КМШ өлкөлөрүндөгү ЖОЖдорго британиялык, америкалык же австралиялык окуу жайлардагыдай сырттан келип окуучу студенттердин саны азырынча ийгилик жарата элек.      

Тизмедеги 21 жогорку окуу жайында билим алган чет өлкөлүк студенттердин саны 10 пайызды гана түзөт. Чет өлкөлүк студенттердин тандоосу өзгөчө медициналык окуу жайларында экендиги да айтылат.  



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(1)
28.03.2014. 02:57 
Тайпасы:
Кыймылы жок
Комментарийлердин саны:
426
Катталган:
11-09-2010
Соӊку аракети:
01-08-2019 18:45
Жынысы:
Белгисиз
Калаасы:
Белгисиз Арал
0
Ииий!!! Денгеелибиз ушунча начарбы? (((
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
140906;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: