реклама
super.kg logo

Жылнаама: 24-март, мындан 9 жыл мурун, 2005-жылы Кыргызстанда президент Аскар Акаевдин бийлиги кулатылган

 
* Мындан 9 жыл мурун, 2005-жылы Кыргызстанда президент Аскар Акаевдин бийлиги кулатылган. 2005-жылдын февраль айында болгон депутаттык шайлоолор өтө ыплас өтүп, эл колдогон адамдар мамлекеттик машинанын арты менен четке сүрүлүп, депутаттык мандаттарынан ажыраган. Мындай адилетсиздикке күбө болгон карапайым калк түп-тамыры менен көтөрүлүп, ар бир региондордо нааразычылык акцияларын өткөрө баштаган. 24-март күнү өлкөнүн ар бир бурчунан чыккан эл толкуну Бишкекке чогулуп, президент Аскар Акаевдин режими кулатылган. 
* Мындан 14 жыл мурун, 2000-жылы актёр, Кыргыз ССРинин Эл артисти Советбек Жумадылов 68 жаш курагында каза болгон. 
Советбек Жумадылов 1932-жылы Түп районунун Арал айылында туулган. Пржевальскидеги (азыркы Каракол) педагогикалык окуу жайын, А.Островский атындагы Ташкент мамлекеттик театралдык институтун бүтүргөн. 1953-жылдан бери Кыргыз мамлекеттик академиялык драма театрынын артисти болуп иштеп келген. Ал каармандардын ички сырын, социалдык маңызын ачып, жекече мүнөз таба билген актёр. Өмүрүндө өтө көп ролдорду аткарган. Кинофильмдерде да эң сонун образдарды түзгөн. Ал 1991-жылга чейин театрда 70ке, кинофильмдерде 50гө жакын ролду аткарган. М.Рыскулов атындагы Республикалык сыйлыктын ээси, ошондой эле медалдар, Кыргыз Республикасынын Ардак грамоталары менен сыйланган.
* 24-март - Кургак учукка каршы күрөшүүнүн бүткүл дүйнөлүк күнү. Бул күн Бүткүл дүйнөлүк саламаттыкты сактоо уюмунун чечимине ылайык белгиленип келет. Айтылуу немис микробиологу Роберт Кох 1882-жылдын 24-март күнү кургак учук дартын тапкан. 

 * 15 жыл мурун, 1999-жылы Кыргызстан эгемендик алгандан кийинки биринчи эл каттоо жүргүзүлгөн. Калк каттоо жыйынтыгы көрсөткөндөй, Кыргыз Республикасында 4 миллион 852 400 адам жашагандыгы белгилүү болгон. Кыргызстан калкынын басымдуу бөлүгүн кыргыздар түзүп, экинчи орунга өзбектер келип, ал эми Совет мезгилинде экинчи орунда турган орустар үчүнчү орунга түшкөн.

Жылнаама толугу менен бул жакта... 


 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(2)
24.03.2014. 07:57 
Тайпасы:
Кыймылы жок
Комментарийлердин саны:
356
Катталган:
22-05-2013
Соӊку аракети:
12-04-2018 07:16
Жынысы:
Белгисиз
Калаасы:
Venera
0
Ошондон бери деле эч онукподук го
24.03.2014. 09:38 
Тайпасы:
Кыймылы жок
Комментарийлердин саны:
15
Катталган:
23-03-2014
Соӊку аракети:
29-04-2015 13:06
Жынысы:
Белгисиз
0
Эч озгоруу болбойт пока бизде закон иштеген жок
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
140721;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: