реклама
super.kg logo

Louis Vuitton компаниясынын башкы дизайнери каза болду

 

Америкалык модельер, Louis Vuitton компаниясынын креативдик директору жана Off-White брендинин негиздөөчүсү Виржил Абло залалдуу шишик дартынан каза болду. Бул тууралуу чет элдик басылмалар жазышты.

Маалыматка ылайык, дизайнер 41 жашта болгон. Ага 2019-жылы "жүрөктүн ангиосаркомасы" деген диагноз коюлган, бирок анын коркунучтуу жана сейрек кездешүүчү оору менен күрөшүп жатканы коомчулукка ачыкка чыкпай келген.

Виржил Абло 2018-жылы Louis Vuitton брендинин эркектер линиясынын креативдүү директору кызматына чакырылган. Натыйжада бренддин кийинки жылдагы соодасы 20 пайызга өскөнүн билдирген. Муну менен ал мода үйүндө кызматка келген биринчи теги африкалык дизайнер болуп калды.

Ал эми Виржил Абло өзү 2018-жылы Time журналына дүйнөдөгү эң таасирдүү 100 адамдын катарына кирген. 2019-жылы Чикагодогу заманбап искусство музейинде Виржил Аблонун искусство, дизайн жана музыка жаатындагы эмгектеринин көргөзмөсү өткөн.

Мода дизайнеринин артында жубайы жана эки баласы калды.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
184020;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: