реклама
super.kg logo

"Негизсиз эле жиндиканага алып барабыз деп жатышат". Манас Бердибековдун биринчи аялы укугу бузулуп жатканын айтат

 

Манас Бердибековдун биринчи жубайымын деген Бурулкан Кадырова укук коргоочулардын иш-аракеттерине нааразычылыгын билдирди. Ал негизсиз эле жиндиканага жаткырылып каларын айтып, редакциябызга кайрылды.

Айтымында, 41 жаштагы уулу менен өзүн кошунасы ур-токмокко алган. Мындан улам жабырлануучу Ош шаардык ички иштер башкармалыгына арыз менен кайрылган.

"Кошуна аял баласы экөө бизди сабагандан кийин мен арыз менен шаардык ички иштер бөлүмүнө кайрылгам. Бирок тергөөчүлөр мени психикалык жактан жабыркайт деп негизсиз эле токтом кылып, Кызыл-Жар айылындагы жиндиканага алып барабыз дешти. Мен макулдугумду бербегендигиме карабай багыттама бар дешип ооруканага алып барышты. Ал жерден текшерүүдөн өтпөйм деп каршылыгымды билдирип айгай салдым. Мени тааныган дарыгер (уулум дарыланып тургандыктан тааныш болуп калган) тергөөчүлөргө "эмне бул аялды чыркыратып жатасыңар?" дегенден кийин коё беришти. Текшерүүдөн өткөн эмесмин. Ошого карабай мени жиндиканага жаткырабыз деп жатышат.

Алардын психикалык жактан жабыркайт, дарыланууга тийиш деген кагазда 2001-жылы туулган кыздын аты-жөнү турат. Муну уулум билип, тартып алыптыр. Бул кандайча десем дарыгерлер техникалык ката кетти деп түшүндүрүштү.

Тергөөчүлөрдүн дагы бир мыйзамсыз иши - менин аты-жөнүмдү жазып, аныктамага менин атымдан кол койгонунда болуп жатат. Мен мурда, кийин жиндиканага жаткан эмесмин, каттоодо да турбайм. Уулум катуу сабалгандан кийин оорусу курчуп, Ош шаарындагы жиндиканага каттоого алынган, дарылануудан өтүп турат", - дейт.

Бурулкан Кадырова оорукчан 41 жаштагы уулу жана 35 жаштагы кызын карап келет. Аны күч менен жиндиканага алып кетип калса, кароого муктаж болгон оорукчан баласы менен кызынын күнү кандай болот дейт. Ал акыйкаттык издеп Ош шаардык прокуратурасына да кайрылып, учурда жактоочу менен иштеп жатат. Прокуратура арыз ээсинин дооматы боюнча иликтөөлөр жүргүзүлөрүн убадалаганын кошумчалайт Бурулкан апа.

Жогорудагы нааразычылыктан кийин Ош ШИИБине байланышканыбызда, арыз каралып жатканын белгилешти.

"Бурулкан Кадырова кошунасынын үстүнөн арыз жазганы ырас. Кошунасы дагы Кадыровага арыз жазган. Тагыраагы, эки кошуна бири-бирине доо коюп, укук коргоочуларга кайрылышкан. Учурда түшкөн арыздар боюнча териштирүү жүргүзүлүп жатат. Ал эми жиндиканага жаткырып, дарылоо маалымкаты боюнча тергөөнүн кызыкчылыгы үчүн эч нерсе айтылбайт", - дешти милициядан.


кошулду





“Дарыгердин тастыкмасы жок эле жиндиканага алып барабыз дешти” деген жаран кайрылды

Автор: Кызжибек Раимова
Оператор: Руслан Алыбаев
 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг -2 
Комментарийлер(5)
07.10.2021. 12:46 
Тайпасы:
Жаран
Комментарийлердин саны:
171
Катталган:
18-07-2017
Соӊку аракети:
25-10-2021 07:31
Жынысы:
Белгисиз
-1
Санжардын апасыбы ошондо?Санжар биринчи аялынан болсо керек?
08.10.2021. 20:11 
Тайпасы:
Жаран
Комментарийлердин саны:
287
Катталган:
21-10-2020
Соӊку аракети:
25-10-2021 11:31
Жынысы:
Белгисиз
0
Tursunbaev1978,жоок
07.10.2021. 15:10 
Тайпасы:
Жаран
Комментарийлердин саны:
76
Катталган:
15-12-2020
Соӊку аракети:
25-10-2021 14:09
Жынысы:
Белгисиз
+2
Манастын да аялы коп болгон экен да
08.10.2021. 05:07 
Тайпасы:
Жаран
Комментарийлердин саны:
227
Катталган:
07-03-2017
Соӊку аракети:
25-10-2021 14:14
Жынысы:
Белгисиз
+2
Манастын аялыбы,башканын аялыбы айтор Кыргыз жараны.Мажбурлап неге жиндиканага алып барат.Укук ,закон бардык жаранга бирдей.Бечара аялдын балдарын ким камкордука алат?Жардам колун узатып,кайра колдоо корсотсо болбойбу?Кошунасы кандай адам экен,балдарынын оорукчан экенин билип туруп,бул аз гана жыргал жашоодо жок дегенде жакшы созун аябай жардам берип койсо болбойбу?Не болуп баратабыз,бараарыбыз 2 метр жер,ал да насип этсе.Кайсы куну,кантип барабыз,ошого чейин бири бирибизди аяйлычы.
10.10.2021. 00:32 
Тайпасы:
Жаран
Комментарийлердин саны:
240
Катталган:
23-05-2015
Соӊку аракети:
24-10-2021 17:39
Жынысы:
Белгисиз
Калаасы:
Ордолуу Ош
0
Kari,эн туура, кошунасы начар адам окшойт, оорукчан баласын билип туруп сабаган
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул кабарды окуду:

Кабарлардын саны:
178786;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: