реклама
super.kg logo

Өмүрбек Текебаев: "Садыр Жапаровдун сот иштерине аралашпаганы билинип турат"

 
Бүгүн 13-апрелде Биринчи Май райондук сотунда Өмүрбек Текебаев менен Дүйшөнкул Чотоновдун соттук иши каралып, алар акталды.
Отурумдан кийин Текебаев журналисттердин бир нече суроолоруна жооп берди.

Прокурорлордун айыптоону колдобой коюшун алардын өз алдынча чыгарган чечими деп ойлойсузбу? деген SUPER.KG'нин суроосуна ал чечимди бүтүндөй Башкы прокуратуранын позициясы катары баалай турганын айтты.
"Бул чечим 3 прокурордун гана эмес, жалпы Башкы прокуратуранын позициясы деп билем. Бийлик тууралуу айта турган болсом, бийлик дегенде мен Садыр Жапаров жөнүндө айткым келет.
Садыр Жапаров менен декабрда эл алдында абдан катуу айтышканбыз. Ошондо да ушул иш боюнча бир топ сөздөр айтылып кеткен. Ал бирөөдөн уккан сөздөрүн айткан. Эгерде Садыр Жапаровдун мага карата жаман ою болсо, бүгүн сот башкача чечим чыгармак. Бул Жапаровдун бул ишке аралашпагандыгынын, жеке мамилелерине саясий көз карашынын таасири тийбей тургандыгынын далили деп билем. Анын аралашпагандыгынын өзү чоң саясат, чоң фактор. Мен биздин ишке гана эмес, башка учурларда да президент сот ишине кийлигишпесе, мындай талаш-тартыштардан өйдө турса деп ойлойм", - деди Текебаев.
Окуянын чоо-жайы:
2019-жылдын 21-августунда Жогорку Сот Текебаев менен Чотоновго карата чыккан соттук чечимдер жокко чыгарылып, жазык иш жаңы соттук териштирүү үчүн Биринчи Май райондук сотуна жиберилсин деген чечим чыгарган.
29-августта Биринчи Май райондук соту Текебаев менен Чотоновду үй камагына чыгаруу чечимин чыгарган.

Өткөн жылдын октябрь окуяларынан кийин депутаттык кызматын кайтарып алган саясатчы Өмүрбек Текебаев кайрадан мандатынан ажыраган. Жогорку Сот 3-мартта Текебаевдин депутаттык мандатынын кайра берилишине байланыштуу ишти карап, Бишкектин Административдик сотунун жана Бишкек шаардык сотунун чечимдерин күчүндө калтырган.






Өмүрбек Текебаев: "Садыр Жапаровдун мага карата жаман ою болсо бүгүн сот башкача чечим чыгармак"

 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 4 
Комментарийлер(2)
13.04.2021. 18:32 
Тайпасы:
Жаран
Комментарийлердин саны:
3497
Катталган:
11-01-2017
Соӊку аракети:
10-05-2021 21:54
Жынысы:
Белгисиз
+5
Охоо ото хитрыйсын да.
13.04.2021. 22:17 
Тайпасы:
Жаран
Комментарийлердин саны:
79
Катталган:
19-09-2020
Соӊку аракети:
10-05-2021 21:28
Жынысы:
Белгисиз
-1
Ото Сыйлуу политик
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
167830;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: