super.kg logo

Вице-премьер аялдарга жана балдарга карата зомбулуктун алдын алуу үчүн күч-аракетти бириктирүү зарыл экенин айтты

 

Вице-премьер-министр Эльвира Сурабалдиева аялдарга жана балдарга карата зомбулуктун алдын алуу үчүн күч-аракетти бириктирүү зарыл экенин айтты. Бул тууралуу ал гендердик өнүгүү боюнча улуттук кеңештин жыйынынын жүрүшүндө билдиргенин өкмөттүн басма сөз кызматынан кабарлашты.

Ал белгилегендей, үстүбүздөгү жылы орун алган аялдарга карата зомбулук көрсөтүү жана адам өлүмүнө алып келген учурлар калк арасында олуттуу кооптонууну пайда кылып, тыкыр иликтөөнү жана күнөөлүү жактардын жазаланышын талап кылат.

"Зомбулук адам укуктарынын бузулушунун кеӊири тараган түрү бойдон калууда жана бул географиялык, социалдык, экономикалык же диний чекке карабастан көптөгөн аялдар жана балдар үчүн олуттуу коркунуч жаратууда. БУУнун маалыматтары боюнча Кыргызстандагы ар бир төртүнчү аял балдары менен зомбулуктун башка бардык түрлөрүн камтыган үй-бүлөлүк зомбулукка кабылат. Үй-бүлөлүк зомбулук адам өз алдынча көйгөйдү чече албагандыктан турмуштук оор кырдаалга кирет. Изилдөөлөр көрсөткөндөй, Кыргыз мамлекетинде үй-бүлөлүк зомбулуктун курмандыктары көпчүлүк учурларда үй-бүлөнүн социалдык жактан аярлуу мүчөлөрү – алар аялдар, балдар, улгайгандар, ден соолугунун мүмкүнчүлүгү чектелген адамдар", - деди Эльвира Сурабалдиева.

Иш-чарага эл аралык, бейөкмөт уюмдардын, ошондой эле мамлекеттик органдардын жана жергиликтүү өз алдынча башкаруу органдарынын өкүлдөрү катышты.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
159829;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: