super.kg logo

Балбак Түлөбаев вице-мэрлер Мозгачева менен Абдылдаевдин эмне үчүн жумуштан кеткенин айтты

 

Бишкек шаарынын мэринин милдетин аткаруучу болуп дайындалган Балбак Түлөбаев эки вице-мэр Виктория Мозгочева менен Алымбек Абдылдаевдин эмне себептен жумуштан кеткенин SUPER.KG порталына түшүндүрүп берди.

Түлөбаевдин айтымында, ал социалдык маселелер боюнча вице-мэр Виктория Мозгачеваны жумуштан алган эмес.

"Виктория Мозгачева жумуштан өз каалоосу менен кетти. Арызын көтөрүп келгенде, ага карата доом жок экенин, жумушта кала берүүсүн сурандым. Бирок ал жумушта калууга моралдык укугум жок деди. Менин "кетпеңиз, жардам бериңиз" деген суранычыма макул болгон жок. Мозгачева Алымбеков кетип жаткандан кийин ал да кетиши керектигин билдирди. Ошондо мен "макул, жакшы барыңыз" дедим" , - дейт Түлөбаев.

Ал эми жашоо турак жай коммуналдык чарба боюнча вице-мэр Алымбек Абдылдаевдин жумуштан кетиши тууралуу Түлөбаев төмөндөгүдөй түшүндүрмө берди.

"Алымбек Абдылдаевдин мурун кандай иштегенин билем. Ага мен көз караштарыбыз туура келбейт, иштеше албайбыз деп эле ачык айттым. Ал өзү айткандай ооруканада жатса, чакырбайт элем. Бирок өзү келди. Элдин баары Абдылдаевдин ушул жакта эле жүргөнүн билет. Булар көп нерсени жалган айтып жатышат. Өздүрүнүн намысына койдум", - деди Балбак Түлөбаев.

Эске салсак, бүгүн, 27-октябрда Бишкек шаарынын мэринин милдетин убактылуу аткаруучу болуп, өкмөттүн Ысык-Көл облусундагы мурдагы ыйгарым укуктуу өкүлү Балбак Түлөбаев дайындалган. Түлөбаев мэриянын жамаатына тааныштырылгандан кийин жалпыга маалымдоо каражаттарында "Түлөбаев өз ишин эки вице-мэрди жумуштан алуудан баштады" деген маалымат тараган.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(1)
28.10.2020. 09:50 
Тайпасы:
Жаран
Комментарийлердин саны:
50
Катталган:
21-05-2017
Соӊку аракети:
04-12-2020 15:26
Жынысы:
Белгисиз
0
Кимисине ишеничти билбейсин
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
156378;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: