super.kg logo
  Саясат  

Белгисиз адамдар Садыр Жапаровдун атын жамынып, ЭлТРдин жетекчисин коркутушканы белгилүү болду

 

Шайиста эже, сизге карата белгисиз адамдар тарабынан коркутуу болгону чынбы?

– Ооба, бүгүн белгисиз бир нече эркек кишилер келип, кызматтан кетишимди талап кылышты. Өздөрүн Садыр Жапаровду коргоо уюмунун өкүлдөрүбүз, анын атынан келдик деп тааныштырышты.

Сиз бул окуяны кандай кабыл алдыңыз?

– Бул албетте, акылсыздык жана провокация. Президенттин милдетин аткаруучу Садыр Жапаровдун буйругунун негизинде мен ЭлТР каналынын башкы директорлук кызматына 16-октябрда бекитилгем. Анан мени кызматка бекиткен адам көчөдөгү кайдагы бирөөлөрдү жибермек беле?! Бул коркутуунун артында Садыр Жапаровдун тегерегиндеги анын кадрдык маселелерине кийлигишкен бирөө турушу мүмкүн. Ошондой эле анын коллективдин ичинде бүлүк салуу аракетин көрүп жаткандар менен байланышы бар болушу мүмкүн.

Сиз ушул маселе боюнча президенттин милдетин аткаруучу Садыр Жапаровдун өзүнө кайрылдыңызбы?

– Кайрылууга бир нече күндөн бери аракет кылдым. Эч бир майнап чыккан жок. Ошондон улам бул окуялар коллективге бүлүк салуу жана бүгүнкү коркутуу аракеттеринин артында Садыр Жапаровдун кадрдык маселелерине кийлигишкиси келген, анын жанындагы бирөө бар деген ойго түртүп жатат.

Ушул коркутуу аракеттери боюнча милиция же башка күч органдарына кайрылдыңызбы?

– Мен алгач өлкө жетекчиси менен сүйлөшүшүм керек. Садыр Жапаровдун атын жамынып, аны жаманатты кылып жаткандардын жүздөрүнүн ачылышына Садыр Жапаров өзү да кызыкдар деп ойлойм.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 1 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
154749;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: