реклама
super.kg logo

Бишкекте эрежени сактабаган 37 унаа айып короосуна токтотулду

 

Милициянын кайгуул кызматкерлери тарабынан бир аптанын ичинде уруксаты жок, өзү билемдик менен орнотулган атайын үн чыгаруучу жабдуулар менен жабдылган 37 автоунаа аныкталды.

Бул тууралуу милициянын басма сөз кызматынан кабарлады.

"Азыркы учурда түнкүсүн Бишкек шаарынын чоң борбордук көчөлөрүндө, магистралдык жолдордо Бишкек шаарынын тургундарынын тынчын алып, автоунааларды атайын катуу айдап, айдоочунун тиешелүү уруксаты жок кайра жабдылган же өзү билемдик менен орнотулган атайын үн чыгаруучу, жарык берүүчү сигналдарды орнотуп, же автожарыш уюштуруп, жол кыймылынын коопсуздугун жана коомдук тартипти бузган айдоочулар көбөйдү.

Мына ушул айдоочуларга карата чара көрүү тууралуу Милициянын кайгуул кызмат башкармалыгына көп кайрылуулар келип түшөт. Шаар тургундарынын кайрылуусун эске алып жана шаарда түнкүсүн тургундарга тынчтык бербеген айдоочуларга карата милициянын кайгуул кызматынын кызматкерлери атайын ушул багытта иш жүргүзүп, бир аптанын ичинде жалпысынан 37 автоунааны аныкташып, Кыргыз Республикасынын бузуулар жөнүндө кодексинин 129-беренесинин 1-бөлүмүнө ылайык, протоколдор толтурулуп, автоунаалар убактылуу токтотуучу короо жайга киргизилди", - деп айтылат маалыматта.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
151537;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: