super.kg logo

ЖАМКнын мекемелеринде сот отурумдары онлайн режиминде өткөрүлүүдө

 

Бүгүн, 8-июлда видео конференция түрүндө онлайн сот отуруму болуп өттү. Сот отуруму Бишкек шаарынын Биринчи Май райондук соту менен №1 тергөө изоляторунда саат 10:00дөн баштап 14:00гө чейин өттү. Бул тууралуу Жазаларды аткаруу мамлекеттик кызматынын басма сөз кызматынан билдиришти.

"Маалыматка ылайык, СИЗО-1де онлайн соттук отурумдарды өткөрүү үчүн толугу менен жабдылган жана бардык талаптарга жооп берген атайын 4 бөлмө даярдалган. Кыргыз өлкөсүндө 2020-жыл "Аймактарды өнүктүрүү, өлкөнү санариптештирүү жана балдарды колдоо жылы" деп жарыяланган. Ушуга байланыштуу бүгүнкү күндө ЖАМК санариптештирүүгө толук даяр жана бардык ЖАМКнын мекемелеринде онлайн сот отурумдарын өткөрүүгө даяр", - деп жазылган билдирүүдө.

Мындан тышкары 2019-жылдын август айында Жазаларды аткаруу мамлекеттик кызматынын борбордук аппаратында мурдагы премьер-министр Мухаммедкалый Абылгазиевдин катышуусу менен ЖАМКнын талдоо жана мониторинг борборунун салтанаттуу ачылышы болуп өткөн. Бүгүнкү күндө ушул борбордун жардамы менен ЖАМКнын бардык мекемелери күнү-түнү онлайн режиминде көзөмөлдө турат. Ошондой эле семинарлар, атайын комиссиянын отурумдары, кызматкерлер үчүн окуулар жана тренингдер, соттук отурумдар видео конференция түрүндө өткөрүлүп жатат.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
148455;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: