реклама
super.kg logo

Чек арада ок жеп, оор абалда жаткан аскердин азыркы абалы айтылды

 

Бүгүн, 22-майда эки аскер кызматкеринин дарылануусу аяктап, алар Улуттук госпиталдан чыгарылган. Ал эми үчүнчү аскер аталган мекемеде дарылануусун улантууда. Бул тууралуу Саламаттыкты сактоо министрлигинин маалымат кызматынан кабарлашты.

SUPER.KG порталынын аскердин абалы тууралуу берген суроосуна мекеме өкүлү төмөнкүдөй жооп узатты.

"19-майда академик Миталип Мамытовдун катышуусу менен Орусиянын Бурденко атындагы Нейрохирургия борборунун адистери онлайн консилиум өткөргөндөн кийин жоокерди дарылоо ыкмасын өзгөртүү чечимин кабыл алышкан.

Учурда жоокердин абалы дарыгерлердин айтымында, канааттандырарлык туруктуу", - деп билдирди мекеме өкүлү.

Белгилей кетсек, учурда социалдык тармактын колдонуучулары жоокердин чет мамлекеттен дарыланып келүүсүн өкмөт чукул арада камсыз кылуусун айтып, билдирүү жасашууда.

"Баткенде ок жеген чек арачы жоокерди Москвада дарыланышын талап кылалы. Өкмөт тез арада аракет кылсын, баланын абалы оор", - деген таризде билдирүү калтырышкан активисттер.

Окуянын чоо-жайы:

8-майда Баткен районунун Көк-Таш айылында кыргыздар менен тажиктердин ортосунда чыр чыккан. Жергиликтүү тургундардын жана расмий бийликтин билдиришинче, чыр жер тилкесин талашуудан чыккан жана аныгында талашка түшкөн жер тилкеси кыргыздарга тиешелүү болгон. Жер тилкеси үчүн 30-40ка чукул кыргыздар менен 30-40тай тажиктер бири-бирине таш ыргытышып, уруш учурунда ок дагы атылган.

Ок атышуунун кесепетинен Чек ара кызматынын 3 аскери жана 1 тургун жаракат алган. Ал 3 аскер кызматкери Бишкекке алып келинген. Чек ара чырында ок тийип жаракат алган С.уулу М. аттуу аскердин абалы оор экени айтылган.

Ал эми окуя боюнча эки өлкө тең бири-бирин күнөөлөп жатышат. Буга чейин Кыргыз өлкөсү чек арадагы чыр боюнча Тажикстанга каршылык билдирүү нотасын жөнөткөн. Тажикстан нотага жооп берген.


 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг -2 
Комментарийлер(1)
23.05.2020. 08:40 
Тайпасы:
Жаран
Комментарийлердин саны:
4
Катталган:
10-04-2015
Соӊку аракети:
28-05-2020 11:22
Жынысы:
Белгисиз
0
Канчадан бери ушул чек ара маселесин чече албай келишетго не кылып жатышат или ал жерди да сатып жиберип байкуш жоокерлер жем болуп жатышабы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
144617;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: