реклама
super.kg logo
  Саясат  

Депутат Өмүркулов: "6-чакырылыштын депутаттары парламентке өтүү пайыздык босого чегин төмөндөтүү боюнча өзгөртүүгө барбаш керек эле"

 

Бүгүн, 19-майда Жогорку Кеңештин комитет жыйынында парламентке өтүү үчүн босоголук чекти 5 пайызга төмөндөтүү мыйзам долбоору каралып жатат.

Депутат Иса Өмүркулов босого чегин төмөндөтүүгө 6-чакырылыштын депутаттары барбаш керек эле деген пикирин айтты. "Биздин ушул маселе боюнча позициябыз принципиалдуу болуш керек эле да. Жогорку Кеңештин бул чакырылышы өзгөртүүгө барбаш керек эле, болбосо 9 пайыздык босого чеги киргизилип жатканда кабыл албашы зарыл болчу. Өткөн аптада 7 пайыздык босого чегине сунуш берип, кабыл алганбыз. Бүгүн 5 пайызык босого чеги деп сунуштап жатабыз. Эртең дагы бирөө 3 пайыздык босого чеги деп сунуш берет. Бирок тереңдеп караганда өзгөртүүлөр кандай таасир берет? Канчалык көп партиянын өкүлдөрү келе турган болсо, ошончолук биздин парламент туруктуу болбойт. Азыркы Конституция боюнча өкмөт менен Жогорку Кеңештин төрагасын байланыштырып койгон. Бүгүн өкмөт отставкага кете турган болсо, спикер кайра шайланышы керек. Канча майда партиялар келип коалиция түзө турган болсо, ошончолук талаш-тартыш болот. Керек болсо жарым жылдап өкмөттүн курамын кура албай калышы мүмкүн. Бир партиядан 5 депутат келип эмне маселени чечет? Канчалык ири болсо, парламент туруктуу болмок", - деди Өмүркулов.

Мыйзам долбоорунун демилгечиси Исхак Масалиев: "Мен деле мамлекетти ойлойм. Биз сунуш берип жатабыз. Колдойсуңарбы же жокпу добуш менен чечкиле", - деди.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
144774;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: