реклама
super.kg logo

Казакстанда дагы бир жаран коронавирустан каза тапты. Бардыгы болуп 6 адам көз жумду

 

Бүгүн, 5-апрелде коңшу Казакстандын дагы бир жараны коронавирус инфекциясынан көз жумду. Маркум Шымкент шаарынын 56 жаштагы тургуну болгонун казак басылмалары жазып чыгышты.

Маалыматта жазылгандай, каза болгон адам оор жүк ташуучу унаанын айдоочусу болгон. Ал Москва шаарынан Алматыга келе жатып өзүн жаман сезе баштаган.

"Ал 3-апрель күнү унаа айдап бара жатканда дене табы көтөрүлө баштайт. Ошол маалда анын жанында 1988-жылы туулган баласы болгон. Атасынын ден соолугу начарлап баштаганда, уулу аны Шымкент шаарынан түшүрүп, "Тез жардам" кызматын чакырган. Инфекциялык ооруканага түшкөндөн кийин бейтапка сол тараптуу пневмония диагнозун коюшуп, мындан тышкары коронавируска дагы тест алышат. Ошол эле 3-апрель күнү бейтаптын COVID-19 вирусун жуктуруп алганы аныкталат. Ал адам ооруканага түшкөндө эле жасалма дем алдыруучу аппаратка туташтырылат. Интенсивдүү терапия маалында бейтаптын жүрөгү токтоп, дарыгерлер аны кайра жандандыра алган эмес. Ошентип ал 5-апрель күнү коронавирус илдетинен каза тапканын Казакстандын Саламаттыкты сактоо министрлиги тастыктаган", - деп жазышат маалымат булактары.

Маалым болгондой, маркум менен байланышта болгон анын 32 жаштагы уулу изоляцияга алынган.

Казакстанда коронавирус жуктуруп алгандардын саны 551 адам болду. Анын ичинен 6 адам каза тапса, 36 адам айыккан.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг -1 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
145186;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: