реклама
super.kg logo

"Картошка жүктөткөнгө алып бара жатканын айткан". Ысык-Көлдө жүк ташуучу унаалар менен жүргүнчүлөрдү ташыган айдоочулар кармалды

 

Ысык-Көлдө жүк ташуучу унаалар менен жарандарды ташыган айдоочулар кармалды. Бул тууралуу облустук ички иштер бөлүмүнүн басма сөз кызматынан кабарлашты.

Маалыматка ылайык, 3-апрель күнү милициянын жол коопсуздугун көзөмөлдөө инспекторлору тарабынан Ысык-Көл районунун Чок-Тал айылынын постунан Тоӊ районунун Бөкөнбаев айылынын тургуну Нурлан А`нын башкаруусундагы Мерседес-Бенц-316 үлгүсүндөгү жүк ташуучу автоунаасы токтотулган. Айдоочунун айтымында, ал шаарга азык-түлүк алуу үчүн бара жаткан. Бирок унааны текшерген учурда анын ичинде 11 жүргүнчү бар экендиги аныкталып, алар Балыкчы шаарынан Ананьево айылына бара жаткандыгы тастыкталган.

Ошол эле күнү Түп районунун милиция кызматкерлери тарабынан айылдын кире беришинде орнотулган посттон КамАЗ-35320 үлгүсүндөгү унаасы токтотулуп, анын ичинде 23 жүргүнчү бар экени аныкталган. Айдоочу Ак-Суу районунун Боз-Булуӊ айылынын Алтынбек О. аттуу тургуну болот. Айтымында, өзүнүн айылынан жумушчуларды жалдап, Түп районунун Балбай айылына картошка жүктөткөнү алып бара жаткан.

Эки айдоочуга бузуулар кодексинин 127-беренесинин 1-бөлүгү (Жол кыймылынын башка эрежелерин бузуу) менен протоколдор түзүлүп, унаалар айып короосуна киргизилди.

Ысык-Көл облусунун аймагында COVID-19 оорусун жуктурбоо боюнча жарандардын коопсуздугун камсыз кылуу үчүн, Ысык-Көл облусунун ыкчам штабынын кеңешмесинин чечими менен аймакта санитардык-карантиндик посттор иштей баштаган. Инфекциялык оорунун жугушунун коркунучун төмөндөтүү максатында эл арасында карантиндик режимдин талабын бекем сактоо боюнча тынымсыз түшүндүрүү иштери өткөрүлүүдө.



"Картошка жүктөгөнгө бара жатышат". Ысык-Көлдө жүргүнчү ташыган айдоочу кармалды

 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(3)
04.04.2020. 15:59 
Тайпасы:
Жаран
Комментарийлердин саны:
403
Катталган:
16-07-2018
Соӊку аракети:
01-06-2020 01:54
Жынысы:
Белгисиз
+6
Озунду эр ойлосон озгону шер ойло дейт.сен акылдууда башкалар кок мээби машинанды текшербегидей
04.04.2020. 16:24 
Тайпасы:
Жаран
Комментарийлердин саны:
272
Катталган:
01-04-2013
Соӊку аракети:
31-05-2020 18:26
Жынысы:
Белгисиз
Калаасы:
Жалал-Абад,Кыргызстан.
+3
Карантин учурунда бекерчи алкаштардын күнү тууду...Жадатышты продуктаны үнөмдөп колдонуп жатканда,күнүгө былжырап арак ичишип...Кимге айтышымы билбей жазып салдым...((((((
04.04.2020. 22:37 
Тайпасы:
Жаран
Комментарийлердин саны:
96
Катталган:
16-01-2012
Соӊку аракети:
11-05-2020 14:10
Жынысы:
Белгисиз
Калаасы:
Кыргызстан
+2
Соз жок. 5.6 жаштагы баланы да уйдо отур десен отуруп атат. Просто элдин ушунчалык кенебестигин, карангылыгын коруп ыйдагын келет. Ушинтип отурсак качан онолобуз
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
144774;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: