super.kg logo

Кадимкидей бака-шака жай турмуш. Коронавирус катталып, бирок элине карантин жарыялабаган өлкөлөр

 

Дүйнө жүзүндөгү мамлекеттердин көпчүлүгү коронавирус менен күрөшүү үчүн болуп көрбөгөндөй катуу чараларды көрүп жатышса, айрым мамлекеттер пандемиянын алдын алуу үчүн жарандарын карантинге алып, алардын кадамдарын чектеген жок. Карантинде кармалууну эффектиси жок деп эсептеген өлкөлөр кайсы экенин SUPER.KG порталы тизмектеп көрдү.

БЕЛАРУСЬ

Карантинден пайда жок деген пикирди кармангандардын сап башында Беларусь өлкөсү турат. Ага далил катары жакында эле өлкө президенти Александр Лукашенконун дүйнөдөгү кырдаалды “психоз” деп атаганынан улам билүүгө болот. Мындан улам ал өлкөгө катаал чараларды киргизүүнү каалабайт жана жарандарына карантин жарыялабаганынын себебин дүйнөлүк масштабдагы дүрбөлөңдүн экономикалык кесепети пандемиядан да жаман болушу мүмкүн деп түшүндүрөт. Азыркы тапта бул өлкөнү коронавирус эмес доллардын курсунун кескин жогурулап кеткени жана улуттук валютанын наркы түшүп, азык-түлүктүн кымбатташы көбүрөөк тынчсыздандырып жатат. Лукашенконун вирус тууралуу "Алар кандайдыр бир психикалык үй курууну пландаштырышты жана курушту" деп айткан сөзү учурда кызуу талкууда.

Өлкө мектептер менен чек араларды жабууну пландаштырган жок. Беларусь өлкөсүндө бул вирус менен жабыркаган жарандар бар экенине карабастан, өлкө президенти кадимкидей жумушун позитивдүү улантууда. Ал вирустук инфекцияны утурумдук, катардагы вирус катары баалайт. Бирок президент элге чет жакка чыкпоого, колду жууп, гигиеналык эрежелерди сактоого чакырат. Александр Лукашенконун айтымында, вирусту дарылоонун эң жакшы дарысы физикалык жактан күчтүү болуп, талыкпай эмгек кылуу.

ШВЕЦИЯ

Дүйнөлүк саламаттыкты сактоо уюму бардык өлкөлөрдүн максаты коронавирустун жайылышын алдын алуу болушу керек экенин тынымсыз эскертип келүүдө. Азыркы тапта "Ухан вирусу" менен жабыркагандардын саны миллиондон ашып, каза болгондор - 52 миң 973 адамга жетти. Бирок бул кырдаалга карабай Швеция дагы коронавируска каршы күрөшүүдө эң салттуу эмес ыкманы тандап алды. Өлкөнүн бийлиги тоталдуу карантиндин кереги жок деп ишендирүүдө. Анткени алардын пикиринде инфекцияны жалпы эмдөө жолу менен же жакшы иммунитетке ээ болуу аркылуу жеңсе болот.

Өкмөт иш жүзүндө чектөөлөрдү киргизбейт, тескерисинче сунуштарды берет, мүмкүн болсо жарандар 70тен ашкан улгайган адамдар менен байланышпоосу талапка ылайык. Бул өлкөдө бала бакчалар, мектеп, ресторан, бар, коомдук транспорттор кадимки режимде иштеп жатат. Шаар көчөлөрүндө эл кадимки эле тиричилигин кылып жүрүшөт.

Швециянын Стокгольм шаарында иштеген мекендешибиз Урмат Курбанов ал жакта кыймыл баштагыдай эле экенин, элге эч бир чектөө болбогонун айтып берди. "Стокгольм шаары карантинге чейин кандай болсо, азыр деле ошондой. Бул жакка эч кандай чектөө кирген жок. Атүгүл, эртең менен унаалардын тыгыны жаралууда. Азыр жумуштан кийин үйгө бара жаткандыктан, унаалар аз көрүнүшү мүмкүн. Кыймыл мурдагыдай эле", - деп билдирди ал.

НИДЕРЛАНДЫ

Нидерланды өлкөсү инфекцияны көзөмөлгө алуу адамдарды камап кою менен чектелбеши керек деп эсептейт. Нидерланды бийлиги дагы баштапкы ыкманы колдонушат. Концептуалдуу түрдө, бул шведдер сунуштаган кадамдарга окшош, бирок өкмөт тарабынан сүрөттөлгөн ыкмадагы контролдонгон инфекция Европада жана дүйнөдө киргизилген универсалдуу карантиндик иш-чаралардан айырмаланбайт. Нидерланды өкмөтү мүмкүн болушунча адамдар арасындагы алыстык аралыгын сактап, ооруп калса, үйдө дарыланууну өтүнөт. Бирок көчөгө чыгууга тыюу салынган эмес. Бул голландиялык мамиленин классикалык кулпулоонун ортосундагы негизги айырма.

ЯПОНИЯ

Кытайга жакын болгонуна карабастан, Японияда карантин режими бир кыйла солгун. Өлкөдө биринчи жолу инфекция январь айынын аягында катталган, февраль айынын башталышына чейин алардын саны 20га көбөйүп, март айына чейин 200дөн ашуун бейтап аныкталган. Март айынын башында бийлик мектептерди жаап, массалык иш-чараларга тыюу салган. Бирок адамдардын кыймылына же мамлекеттик мекемелердин ишине катуу чектөөлөр киргизилген эмес.

ТҮШТҮК КОРЕЯ

Эпидемиянын кесепетинен Түштүк Кореяда мектептер жана чиркөөлөр жабылган, бирок өлкөдө адамдардын кыймылына олуттуу чектөөлөр киргизилген эмес. Массалык тыюу салуунун ордуна, иликтөөнү эртерээк аныктоо жана алар менен байланышкандарды издеп табуу үчүн, өлкөдө вирустук масштабдуу тестирлөө тутуму ишке киргизилген. Вирусту сыноо жалпыга жеткиликтүү. Оң натыйжа болгон учурда, бейтап бийлик органдарынан кабарлоону алат жана ал өзүнчө болууга милдеттүү. Оорулууларды атайын тиркеме аркылуу көзөмөлдөп турушат. Бул тизмедеги өлкөлөрдүн катарына Бразилия, Мексика мамлекеттерин да кошсо болот.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 3 
Комментарийлер(9)
03.04.2020. 23:33 
Тайпасы:
Жаран
Комментарийлердин саны:
303
Катталган:
16-02-2018
Соӊку аракети:
30-05-2020 16:00
Жынысы:
Белгисиз
Калаасы:
Бишкек
+3
Кимге ишенээринди билбейсин
03.04.2020. 23:38 
Тайпасы:
Жаран
Комментарийлердин саны:
365
Катталган:
11-04-2012
Соӊку аракети:
30-05-2020 15:38
Жынысы:
Белгисиз
Калаасы:
тынчтык
+2
Мүмкүн туура кылышып жаткандыр
03.04.2020. 23:40 
Тайпасы:
Конок
Комментарийлердин саны:
20
Катталган:
21-03-2020
Соӊку аракети:
31-05-2020 02:15
Жынысы:
Белгисиз
+4
Кызык, аталган олколордо вирустун таркалышы жана олгон адамдардын саны кандай болду экен
04.04.2020. 01:15 
Тайпасы:
Жаран
Комментарийлердин саны:
509
Катталган:
23-07-2018
Соӊку аракети:
30-05-2020 21:09
Жынысы:
Белгисиз
+15
Япония менен Кореянын эли тартиптуу,карантин кылбаса деле карантиндей эле биздеги карантинден да тартиптуу алып журушот оздорун..
04.04.2020. 05:28 
Тайпасы:
Жаран
Комментарийлердин саны:
51
Катталган:
03-02-2018
Соӊку аракети:
30-05-2020 22:21
Жынысы:
Белгисиз
Калаасы:
Москва
+3
Вирус жуктурбан олко боюнча да жазгылачы
04.04.2020. 11:49 
Тайпасы:
Жаран
Комментарийлердин саны:
0
Катталган:
05-10-2017
Соӊку аракети:
27-05-2020 18:17
Жынысы:
Белгисиз
+2
Safiya91, Таджикистан, Түркмөнүстан
04.04.2020. 16:39 
Тайпасы:
Жаран
Комментарийлердин саны:
1066
Катталган:
20-10-2016
Соӊку аракети:
20-05-2020 17:31
Жынысы:
Белгисиз
-3
Лукашенко эркекче созду айтыптыр биздин Сокошенко деле эркекче иш кылса болмок. Эл дарбыса кошо дарбый бербей.
04.04.2020. 19:52 
Тайпасы:
Жаран
Комментарийлердин саны:
4
Катталган:
25-05-2016
Соӊку аракети:
20-04-2020 19:59
Жынысы:
Белгисиз
-3
Лукашенко экөөбүздүн позициябыз окшош экен)
07.04.2020. 12:40 
Тайпасы:
Жаран
Комментарийлердин саны:
65
Катталган:
25-06-2014
Соӊку аракети:
29-05-2020 07:43
Жынысы:
Белгисиз
0
Италия, Америка деле башында маани берген эмес. Азыркы акыбалын коруп атабыз. Беларусияга везёт потому что, тегерегиндеги олколордун баары карантинге жабылган. Демек сыртан вирус кирбейт.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
144731;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: