super.kg logo

Жалал-Абад шаары жана Сузак районундагы коменданттык сааттын эрежелери боюнча абал

 

27-марттан 28-мартка чейин Жалал-Абад шаары жана Сузак району боюнча коменданттык саат учурунда тейлеген аймакта оор жана өзгөчө оор кылмыштар катталган эмес. Бул тууралуу аталган аймактардын коменданты Жеңишбек Жоробеков билдирди.

Маалыматта оор кылмыш учурлары катталбаганы менен майда бейбаштык жана коменданттык сааттын талаптарын бузган фактылар болгону айтылат.

  • Коронавируска байланыштуу жалган маалымат таратуу боюнча - 3 факты (Таш-Көмүр 2, Майлуу-Суу 1). Бул факты боюнча сотко чейинки өндүрүш иши ачылып, тергөө амалдары жүргүзүлүүдө.

  • Коменданттык сааттын талаптарын бузуу боюнча - Сузак районунан 6 адам, Жалал-Абад шаарынын аймагынан 20 адам кармалган, мыйзам чегинде чара көрүү үчүн ШИИБине жеткирилген;
  • Айып аянтчасына коюлган автоунаалар боюнча - 4 факты; ШИИБде коменданттык саат бүткүчө кармалып, мыйзам чегинде чаралар көрүлгөн;
  • Бишкек-Ош жана Ош-Бишкек автожолундагы “Беш-Кепе” жана “Боз-Чычкан” блок постторунан жалпы 68 унаа, анын ичинен 62 жүк ташуучу автоунаа ИИМдин Жол кыймылынын коопсуздугун көзөмөлдөө башкы башкармалыгынын Жалал-Абад облусу боюнча бөлүмүнүн кызматкерлеринин коштоосу менен өткөрүлгөн;
  • Ошондой эле бул блок посттордо медицина кызматкерлери да кызмат өтөшүп, алардын көрсөтмөсү менен ден соолугуна байланыштуу зарыл болгон автоунаалар дагы коё берилип жатат.

Коменданттык штабдын онлайн WhatsApp кызматы жана түз ишеним телефондору жарандардын ар кандай маанидеги – 70тен ашуун арыз жана сунуштары каралып, аткарууга алынып жана тиешелүү кызматтарга сунуш-көрсөтмөлөрдү берүү иштери жүргүзүлүүдө.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
144731;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: