super.kg logo
  Спорт  

Коронавирус пандемиясынан улам Бишкекке келген орусиялык спортчулар мекенине кете албай калышты

 

Коронавирус пандемиясынан улам 12-мартта Орусиянын Новосибирск шаарынан Бишкекке сууда сүзүү жана жеңил атлетика боюнча мелдешке келген спортчулар менен машыктыруучулар мекенине кете албай калышты. Бул тууралуу орусиялык басылмалар жазып чыгышты.

Орус бийлиги бул маселени чечүүгө киришкенин аталган өлкөнүн Ички иштер министрлиги тиешелүү жактарга кайрылып жаткандыгы кабарланат. Мындан сырткары Новосибирск облусунун губернатору Андрей Травников жана облустук спорт министри бул маселени жеке көзөмөлүнө алган.

"Кыргыз өлкөсүндө калып калган биздин жарандарыбызды анын ичинде жашы жете элек өспүрүмдөрдү өлкөгө алып келүү үчүн болгон аракетибизди жумшайбыз. Азыр алар Бишкек шаарында ыңгайлуу шартта кармалып турушат. Кыргыз жана Орус өкмөттөрүнүн сүйлөшүүсүнүн негизинде жакынкы убакыттагы аба каттамы аныкталып, алар өлкөгө кайтып келишет", - деп билдирген облус башчысы.

Маалыматка ылайык, 9 жаштан 15 жашка чейинки 22 жаш спортчулар, машыктыруучу жана аларды коштоп келген 13 адам кете албай калышкан. Алар 28-март күнү учуп кетишмек. Спортчулардын рейси 27-мартка жылдырылып, бирок бүгүн орусиялык "S7 Airlines" авиакомпаниясы коронавирус пандемиясынан улам аталган каттамды токтотуп салган.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
144774;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: