super.kg logo
  Саясат  

Президент Европа биримдигинен Кыргыз өлкөсүнө кошумча жардам көрсөтүү мүмкүнчүлүгүн карап көрүүнү сунуштады

 

Президент Сооронбай Жээнбеков 26-мартта Европа биримдигинин Кыргыз өлкөсүндөгү өкүлчүлүгүнүн жетекчиси Эдуард Ауэр менен жолугушту. Бул тууралуу президенттик аппараттын басма сөз кызматынан билдиришти.

Мамлекет башчы Европа биримдиги өлкөнү өнүктүрүү боюнча негизги долбоорлорду ишке ашырууда маанилүү өнөктөш болуп, санарип трансформациясын жылдырууда, билим берүү тармагын реформалоодо колдоо көрсөтүп жатканын белгиледи.

Ал коронавирус инфекциясынын Европа биримдиги өлкөлөрүнө жайылып жаткандыгына байланыштуу тынчсыздануусун билдирип, эпидемиялык кырдаалдын тез арада оңолуп кетишине үмүт артаарын айтты.

Ошондой эле бүгүнкү күндө коронавирус инфекциясынын жайылуусунун кесепетинен Кыргыз мамлекетинин республикалык бюджетинин чыгымдар бөлүгүндө каржылоонун жетишпей калуу коркунучу пайда болгонун белгиледи. Мындан тышкары калктын саламаттыгын сактоо, азык-түлүк коопсуздугун камсыздоо жана кризиске каршы чараларды ишке ашырууга байланышкан өзгөчө кырдаалдагы иш-чараларды каржылоо муктаждыгы бар.

Президент Сооронбай Жээнбеков биримдикке коронавирус инфекциясынын жайылышынын кесепетинен келип чыккан терс көрүнүштөрдү азайтуу үчүн өлкөгө кошумча жардам көрсөтүү мүмкүнчүлүгүн карап чыгууну сунуштады.

Эдуард Ауэр бул илдет менен күрөшүүдө Кыргыз өлкөсүн колдогонун айтты. Өлкөдөгү экономикалык абал тууралуу жана зарыл болуп жаткан колдоо жөнүндө маалымат биримдиктин штаб-квартирасына жөнөтүлгөнүн билдирди.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг -1 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
144774;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: