реклама
super.kg logo

Жалал-Абад шаары, Сузак району боюнча коменданттык саатты бузган 37 жаранга мыйзам чегинде чара колдонулду

 

25-марттан тарта киргизилген өзгөчө абал учурунда коменданттык сааттын (20:00дөн 07:00гө чейин) талаптарын бузуп, түнкү убакта коомдук жайларда жүргөн Сузак районунан 27 жана Жалал-Абад шаарынын аймагынан 10 адам кармалып, шаардык жана райондук ички иштер бөлүмдөрүнө жеткирилген. Аларга карата протоколдор түзүлүп, коменданттык саат бүткөнчө кармалып, мыйзам чегинде чаралар көрүлгөн. Бул тууралуу аталган аймактар боюнча коменданттык басма сөз кызматынан кабарлашты.

Ошондой эле Бишкек-Ош жана Ош-Бишкек унаа жолундагы “Беш-Кепе”, “Боз-Чычкан” блокпостторунан 21 жарандын ден соолугу текшерилип, андан сырткары жалпы – 123 (36 жүк ташуучу) автоунаа текшерилип, Жалал-Абад облусунун жол кыймылынын коопсуздугун камсыздоо башкармалыгынын кызматкерлеринин коштоосу менен өткөрүлдү.

Блокпосттордон өтүү үчүн жарандардан келип түшкөн арыздар коменданттын штабы тарабынан ирети менен өз нугунда каралып, өзгөчө зарылдыгы бар багыттарга уруксат кагаздары (пропуск) бериле баштады.

Өзгөчө абал киргизилген аймактарда учурда жалпысынан 40тан ашуун санитардык-карантиндик посттор иштеп, анда күнү-түнү укук коргоо органдарынын, аскер кызматтарынын, санитардык-дезинфекция кызматтарынын кызматкерлери дарыгерлер менен биргеликте элдин саламаттыгы үчүн кызмат өтөшүүдө.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
154020;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: