реклама
super.kg logo
  Саясат  

Президент Эл аралык валюта фондуна Кыргыз мамлекетине каржылык колдоо көрсөтүү мүмкүнчүлүгүн караштырууну сунуштады

 

Президент Сооронбай Жээнбеков Эл аралык валюта фондунун Кыргыз Республикасындагы туруктуу өкүлү Тигран Погосян менен жолугушту. Бул тууралуу президенттик аппараттын басма сөз кызматынан билдиришти.

Маалыматка ылайык, коронавирус инфекциясынын Кыргыз мамлекетинин экономикасына тийгизе турган коркунучтары жана кесепеттери, ошондой эле аларды алдын алуу үчүн финансылык жардам маселеси боюнча пикир алышуу болду.

Мамлекет башчысы Кыргыз өлкөсү түзүмдүк реформаларды алдыга жылдыруу жана жалпы эле өлкөнүн экономикасын өнүктүрүү үчүн дайыма жардам берип келген фонд менен кызматташууга чоң маани бере тургандыгын белгиледи.

Коронавирус инфекциясынын жайылышына жана дүйнөлүк финансылык рыноктордогу волатилдүүлүккө байланыштуу учурдагы кырдаал өлкөдөгү макроэкономикалык туруктуулукка терс таасирин тийгизип жаткандыгын, мындан улам экономикалык кесепеттерди жумшартуу үчүн кечиктирилгис чараларды кабыл алуу керектигин айтты.

Буга байланыштуу президент Сооронбай Жээнбеков аталган фондго коронавирус инфекциясынын жайылышынан улам болчу терс кесепеттерди жумшартуу үчүн Кыргыз мамлекетине каржылык колдоо көрсөтүү мүмкүнчүлүгүн караштырууну сунуш кылды.

Тигран Погосян фонд коронавирус инфекциясынын жайылышынан улам экономикалык жактан жапа чеккен өлкөлөрдү каржылоо инструменттеринин алкагында чукул жардам көрсөтүүнүн ар кандай варианттарын караштырып жаткандыгын билдирди.

Ал Кыргыз өлкөсү чукул жардам алууга биринчилерден болуп билдирме бергендигин жана фонд Кыргыз мамлекетине каражат жагынан жардам көрсөтүү маселесин жакынкы күндөрү ыкчам түрдө карай тургандыгына ишендирди.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
144774;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: