реклама
super.kg logo

"Мурас" ансамбли: "Лондондо "Маш ботой" күүсүн жаңыртканыбыз көрүүчүлөргө абдан жакты"

 

Лондондо "Маш ботойду" жаңырткан "Мурас" тобу учурда Улуу Британиянын шаарларын кыдырып, нукура кыргыз музыкасын тартуулап жүрөт. Бул тууралуу SUPER.KG порталына Гүлзат Байзакованын уулу Эмил Ишенбек уулу айтып берди.

"Беш өнөрпоздон турган "Мурас" фольклордук ансамбли 3 жыл мурун түзүлгөн. Ата-бабадан калган улуу мурасыбызды бурмалабай эски нукта сактап, келечек муунга өткөрүп берүү жана өзүбүздүн музыка урпактарга татыктуу мурас болуп калсын деген максатта атыбызды "Мурас" деп койгонбуз. Ансамблдын курамында негизинен Акай Айдаралиев (урма аспап), Темирлан Совет уулу (үйлөмө аспап), Шеркул Шерик уулу (комуз жана үйлөмө аспап), Айсаана Оморова (комузчу жана ырчы) жана мен кыл кыяк жана комузда ойнойм.

Бул жолку сапарыбызда биз Британиядагы Кыргыз элчилиги жана Маданият, маалымат жана туризм министрлиги уюштурган Кыргыз өлкөсүндөгү туризмди өнүктүрүү жана чет өлкөгө жайылтууга багытталган "Road Show" фестивалына катыштык. Алгачкы сапарыбыз Лондон шаарынан башталып, Манчестер, андан өтүп Шотландиянын борбор шаары Эдинбургда бүттү. Иш-чаралар, концерттер мыкты деңгээлде уюштурулду. Лондондун Букингем Хан сарайынын алдынан Атай Огонбаевдин "Маш ботой" күүсүн ойногонубузду көргөн эл баалап, аябай жактырышты", - дейт Эмил Ишенбек уулу



"Маш ботой" күүсү Лондондо жаңырды

 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
145009;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: