реклама
super.kg logo

Кыргыз өлкөсү коронавирустун жайылуу коркунучунан улам бир катар өлкөлөрдүн жарандарынын кирүүсүнө убактылуу чектөө киргизет

 

Кыргыз өлкөсү коронавирус инфекциясынын жайылуу коркунучуна байланыштуу бир катар өлкөлөрдүн жарандарынын кирүүсүнө убактылуу чектөө киргизет. Бул тууралуу өкмөттө өткөн коронавирус инфекциясынын өлкө аймагына кирүүсүнө жана жайылышына жол бербөө боюнча республикалык штабдын кезектеги жыйынында белгилүү болду.

Өкмөттүн басма сөз кызматынан билдиргендей, мындай чара республикалык штабга Саламаттыкты сактоо министрлиги тарабынан дүйнөдөгү азыркы эпидемиологиялык кырдаалды эске алуу менен сунушталды.

Кытай, Иран, Япония, Түштүк Корея жана Италиянын (тизме дүйнөдөгү эпидемиологиялык кырдаалды эске алуу менен толукталып турат) жарандары үчүн өлкөгө кирүүгө 1-марттан тартып чектөө киргизилет. Бул чектөөлөр көрсөтүлгөн өлкөлөрдүн Кыргыз Республикасына ишке байланыштуу, туризм жана жеке максаттарда келген, дипломатиялык паспортко ээ эмес бардык жарандарына тийиштүү болуп саналат.

Эпидемиологиялык жагдай начарлагандыгына жана Кыргыз Республикасынын аймагына эпидемиологиялык кырдаал начар өлкөлөрдөн жарандардын келүүлөрү уланып жаткандыгына байланыштуу чет элдиктер үчүн кирүүгө тыюу салынууда. Ошондой эле 1-марттан тартып көрсөтүлгөн мамлекеттердин жарандары үчүн Кыргыз Республикасына чакырууларды тариздөө токтотулат. Вице-премьер Алтынай Өмүрбекова белгилегендей, бул дүйнөдө абал ыкчамдык менен өзгөрүп жаткандыгына байланыштуу мажбур болгон убактылуу чара. "Бул чечим кыргыз калкынын коопсуздугун камсыздоо жана саламаттыгын сактоо, коронавирус инфекциясынын жайылышына жол бербөө максаты менен чечмеленет", - деди ал.

Жылдын жыйынтыгы боюнча тармактык мамлекеттик түзүмдөргө бир катар тапшырмалар берилди. Билим берүү жана илим министрлигине республиканын бардык билим берүү мекемелеринде коронавирус, өздүк гигиена эрежелери, сасык тумоо жана курч респиратордук инфекциялардын, анын ичинде коронавирустун алдын алуу боюнча маалыматтык-түшүндүрүү иштерин улантуу тапшырылды. Мындан тышкары бардык жарандарга эл көп чогулган жерлерден мүмкүн болушунча оолак болуу, көп сандагы адамдардын катышуусундагы иш-чараларды өткөрүүнү чектөө сунушталат.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(4)
28.02.2020. 21:37 
Тайпасы:
Жаран
Комментарийлердин саны:
492
Катталган:
25-03-2016
Соӊку аракети:
01-04-2020 20:08
Жынысы:
Белгисиз
+3
Туура чектөө киргизиш керек!
28.02.2020. 22:43 
Тайпасы:
Жаран
Комментарийлердин саны:
2525
Катталган:
11-01-2017
Соӊку аракети:
01-04-2020 19:28
Жынысы:
Белгисиз
+5
Ээмиби, кеч го.
28.02.2020. 23:12 
Тайпасы:
Жаран
Комментарийлердин саны:
579
Катталган:
03-11-2016
Соӊку аракети:
01-04-2020 21:09
Жынысы:
Белгисиз
+4
Бизде коронавирус болбосун.Болуп калса кошуна коронавирус болуп калыптыр коруп коёлу уят барбасак деп атып баарыбызга жугат)))
29.02.2020. 11:04 
Тайпасы:
Жаран
Комментарийлердин саны:
6
Катталган:
30-12-2017
Соӊку аракети:
01-04-2020 20:22
Жынысы:
Белгисиз
0
Ушинтип жаптык деп жатып эле анан кытайлар кирип жатышат.Билбейм билбееейм
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
140306;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: