super.kg logo

Жактоочу: "Сот Кулматовго 2 жылдан бери көрүшө элек ата-энеси менен жолугуп келүүгө уруксат берген жок"

 

Экс-мэр Кубанычбек Кулматовго Москвадагы ата-энесине жолугуп келүү боюнча жактоочулардын келтирген өтүнмөсүнөн баш тартылды. Бул тууралуу SUPER.KG порталына жактоочу Сергей Слесарёв билдирди.

Айтымында, Кулматов 90 жашка жакындап калган ата-энесин 2 жылдан бери көрө элек.

“Менин жакталуучумдун ата-энеси Москва шаарында жашайт. Анын апасы жакында эле жандандыруу бөлүмүнөн чыккан экен. Ошондуктан соттон кийинки отурумга чейин барып, учурашып келүүсүн өтүнгөнбүз. Тилекке каршы, сот бул өтүнмөнү аткаруудан баш тартты. Ага эч кандай негиз келтирген жок”, - дейт Слесарёв.

Бүгүн, 21-февралда Бишкек шаардык сотунда экс-мэрлер Албек Ибраимов менен Кубанычбек Кулматовдун иши боюнча жактоочулардын апелляциялык даттануулары каралып жатат.

2019-жылдын 23-декабрында Ленин райондук сотунун чечими менен Албек Ибраимов 15 жылга эркинен ажыратылса, Кубанычбек Кулматов 5 миллион сом айып пул төлөөгө милдеттендирилип, сот залынан бошотулган. Учурда Кулматов үй камагында.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
156200;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: