реклама
super.kg logo

ИИМ: "Спортчу Төлөгөн Рахманберди уулу резонанстуу иште катыштыгы бардыгы маалым болду"

 

Социалдык тармактарда жана айрым маалымат агенттиктеринде Ош шаарынын тургуну, спортчу Төлөгөн Рахманберди уулунун видео кайрылуусу жарыяланды. Анда ал президентке кайрылып, ага коркутуу болгонун жана аны уруп-сабап, андан кийин тапанчадан жаракат алып ооруканада жатканын айткан.

Мындан улам ИИМ кайрылуу боюнча текшерүү жүргүзүп, кайрылуудагы ар бир окуя териштирилип жатканын маалымдайт.

Буга чейин Төлөгөн Рахманберди уулу денесинен жаракат алгандыгы боюнча бир нече жолу суралган жана мындай факты болгондугун айтып, түшүнүксүз жоопторду берген.

"2019-жылдын 4-июнь күнү Ош ШИИБине шаардагы көчөлөрдүн биринде ок атышуу орун алгандыгы тууралуу маалымат келип түшкөн. Окуя болгон жерге келген милиция кызматкерлери 4 ок менен уюлдук телефон табышкан. Экспертизанын жыйынтыгы менен табылган октор тапанчанын огу болуп чыккан. Ички иштер органдарына бул факты боюнча эч ким арыз менен кайрылган эмес. Бир нече күбөлөр суралып, тилекке каршы бул окуяга тиешеси барлар аныкталган эмес. Суралгандардын ичинде жогорудагы жаран дагы болуп, ок атышууну такыр укпагандыгын, денесинен эч кандай жаракаттарды албагандыгын билдирген.

Өткөн жылдын 22-сентябрь күнү Ош ШИИБине Төлөгөн Рахманберди уулу денесинен жаракат алып, аймактык ооруканага жеткирилгени маалым болгон. Окуя болгон жерге келген милиция кызматкерлери ок атышуу фактысы болгондугун аныкташкан. Аталган факты Кылмыштардын жана жоруктардын бирдиктүү реестрине катталып, сотко чейинки өндүрүш жүрө баштаган. Ал эми тергөөнүн жүрүшүндө Төлөгөн Рахманберди уулу көрсөтмө берүүдөн баш тарткан. Андан сырткары жалпыга маалымдоо каражаттарына кокустуктан улам ок атуучу куралдан жаракат алгандыгын жана ал өзүнө-өзү жаракат келтиргендигин билдирген.

Ички иштер министрлиги билдирет: азыркы учурда уюшкан кылмыштуулук менен күрөшүүгө багытталган комплекстүү ыкчам алдын алуу жана тергөө амалдары жүрүп жатат. Жогорудагы иш-чараларды жүргүзүүдө жаран Төлөгөн Рахманберди уулу башка резонанстуу иште катыштыгы бардыгы маалым болду. ИИМдин тергөө кызматы тарабынан жарандын денесине жаракат келтирүү фактысы боюнча иш бар. 2018-жылдын 28-декабрь күнү Аламүдүн районунун Лебединовка айылында Бишкек шаарынын жашоочусу К.А. аттуу жарандын денесине жаракат келтиришкен. Тергөөнүн жүрүшүндө жогорудагы укукка жат иш-аракетке Төлөгөн Рахманберди уулунун тиешеси бардыгы аныкталган. Бул факты боюнча иликтөө иштери жүрүүдө. Төлөгөн Рахманберди уулу кылмыш жоопкерчилигинен бошонуу үчүн жана коомчулукту адаштыруу менен укук коргоо органдарын каралоо максатында видеокайрылуу жасаган деп эсептейбиз. Ошондой эле Аламүдүн РИИБинде аталган факты боюнча сотко чейинки өндүрүштүн алкагында Төлөгөн Рахманберди уулунун тиешеси бардыгы жөнүндө толук далилдер топтолду. Бул факты видеого түшүп калгандыгын белгилейбиз.

Андан сырткары 2020-жылдын 29-январында болжол менен саат 18:00 чамасында Оштогу стадиондо белгисиз адамдар Төлөгөн Рахманберди уулунун денесине жаракат келтирген соң качып кетишкен. Аталган факты Кылмыштардын жана жоруктардын бирдиктүү реестрине катталып, сотко чейинки өндүрүш башталган. Аталган факты боюнча тез арада ыкчам тергөө иш-чаралары жүргүзүлүп баштаган. Бирок Төлөгөн Рахманберди уулу көрсөтмө берүүдөн баш тарткан. Буга карабастан Ош шаарында милиция кызматкерлери күмөн саналган Мерседес-Бенц үлгүсүндөгү унааны токтотушкан. Автоунаанын ичинде жүргөн ИИМдин ыкчам каттоосунда уюшкан кылмыштуу топтун мүчөлөрү катары турган 5 адам кармалган", - деп билдиришти басма сөз кызматынан.

Өткөн жылдын 21-сентябрь күнү Ош облусуна караштуу Кара-Суу районунун Фуркат айылында К.С. жана Р.у.Т. аттуу спортчулардын ортосунда чыр чыгып, ок атышуу орун алган. К.С. бул Ош шаарынын дене тарбия жана спорт боюнча комитетинин башчысы Кылыч Саркарбаев, Р.у.Т бул спортчу Төлөгөн Рахманберди уулу экени талкууга түшкөн.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(8)
15.02.2020. 21:23 
Тайпасы:
Жаран
Комментарийлердин саны:
389
Катталган:
24-09-2016
Соӊку аракети:
07-06-2020 03:16
Жынысы:
Белгисиз
0
Корбой туруп бироону куноолош кыйын бирок кыргызда саяк журсон таяк жейсин деген соз бар
15.02.2020. 22:45 
Тайпасы:
Жаран
Комментарийлердин саны:
122
Катталган:
06-02-2019
Соӊку аракети:
07-06-2020 07:34
Жынысы:
Белгисиз
+1
Тынчылык болсунчу
15.02.2020. 23:21 
Тайпасы:
Жаран
Комментарийлердин саны:
677
Катталган:
04-03-2017
Соӊку аракети:
24-05-2020 00:22
Жынысы:
Белгисиз
-1
Гурган Төлөш аябай жакшы жигит эле спортсмен эле. Буну чондор пайдаланып атат бекер гана аралаштын да буларга.
Толош ото сонун жигит элен. Эми кеч
16.02.2020. 09:01 
Тайпасы:
Жаран
Комментарийлердин саны:
79
Катталган:
19-12-2011
Соӊку аракети:
06-06-2020 20:55
Жынысы:
Белгисиз
0
Кач эми кеч Боло електе
16.02.2020. 09:49 
Тайпасы:
Жаран
Комментарийлердин саны:
733
Катталган:
25-04-2018
Соӊку аракети:
11-05-2020 05:19
Жынысы:
Белгисиз
+4
кимдин куноосу болсо кудай коруп турат баарын ар бирине татыктуу жазасын берет
16.02.2020. 10:56 
Тайпасы:
Жаран
Комментарийлердин саны:
426
Катталган:
22-10-2017
Соӊку аракети:
07-06-2020 09:33
Жынысы:
Белгисиз
+4
Раим Матраимовторду актаганды токтоткула азыркы бийлик.
Mirlan27011987 түзөттү 2020-02-16 10:56:39
17.02.2020. 03:41 
Тайпасы:
Жаран
Комментарийлердин саны:
422
Катталган:
04-12-2018
Соӊку аракети:
07-06-2020 03:08
Жынысы:
Белгисиз
Калаасы:
Москва
0
Mirlan27011987,Мен Раимди актабайм.Мага демек бышырып жесин.Мобу бала экоолоп бир баланы тепкилеп, уруп жатканы видеого тушуп калыптыр.
Бул бала озу да,, черный"болуп жургон.
16.02.2020. 22:04 
Тайпасы:
Жаран
Комментарийлердин саны:
7
Катталган:
25-08-2019
Соӊку аракети:
05-06-2020 22:22
Жынысы:
Белгисиз
+1
Ушу биздин спортсмен жигиттердин рекет чёрный болуп кеткени жаман да. Баары эмес бирок арасында бар да.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
145186;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: