реклама
super.kg logo

Экс-мэрлер Кулматов менен Албек Ибраимовдун иши Бишкек шаардык сотунда карала баштады

 

Бишкек шаардык сотунда экс-мэрлер Албек Ибраимов менен Кубанычбек Кулматовдун иши боюнча жактоочулардын апелляциялык даттануулары каралууда. Бул тууралуу SUPER.KG порталына жактоочу Сергей Слесарев билдирди.

"Буга чейин Ленин райондук сотунун өкүмүнө макул болбой, шаардык сотко апелляциялык даттануу жөнөткөнбүз. Бүгүн 7-февралда алгачкы процесс болуп өттү. Анда отурумдун тартиби тууралуу макулдаштык. Эми соттук иштин процесстери аптанын ар бир жума күнү өтүп турат", - дейт жактоочу.

Окуянын чоо-жайына кайрылсак:

2016-жылдан 2018-жылга чейин Бишкек шаарынын мэри болгон Албек Ибраимовго карата 2018-жылдын май айында “ишенип берилген мүлктү ыйгарып алуу же жок кылуу” беренеси боюнча кылмыш иши козголуп, бул иш экс-мэрдин “Дастан” ишканасын жетектеп турган мезгилге байланыштуу экендиги айтылган. Июль айында ал ушул эле кылмыш ишинин негизинде камакка алынган.

Кийинчерээк Ибраимовго карата “коррупция” беренеси боюнча жаңы айып угузулган. Анда ал Бишкек шаарынын түштүк аймагында жайгашкан муниципалдык жер тилкелерин мыйзамсыз сатууга айыпталган.

Ал эми 2014-жылдан 2016-жылга чейин мэр кызматын аркалаган Кубанычбек Кулматовго карата 2018-жылдын май айында "коррупция" беренеси боюнча кылмыш иши козголуп, июнь айында камакка алынган. Ал Бишкек шаарынын мэри болуп турган кезде Калыс-Ордо конушундагы мектеп жана бала бакчага бөлүнгөн акчаны мыйзамсыз колдонгон деп айыпталган.

2019-жылдын 23-декабрында Ленин райондук сотунун чечими менен Албек Ибраимов 15 жылга эркинен ажыратылса, Кубанычбек Кулматов 5 миллион сом айып пул төлөөгө милдеттендирилип, сот залынан бошотулган.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(4)
07.02.2020. 13:11 
Тайпасы:
Жаран
Комментарийлердин саны:
771
Катталган:
27-11-2018
Соӊку аракети:
25-05-2020 14:33
Жынысы:
Белгисиз
-7
Шаардык сот Албекти 20 жылга эле кесип салсын.
07.02.2020. 13:13 
Тайпасы:
Жаран
Комментарийлердин саны:
764
Катталган:
29-01-2019
Соӊку аракети:
02-05-2020 15:11
Жынысы:
Белгисиз
-8
буга окшогон коррупционерлер кытайда болгондо эчак эле ит аткандай атып салмак
07.02.2020. 13:16 
Тайпасы:
Жаран
Комментарийлердин саны:
612
Катталган:
09-04-2019
Соӊку аракети:
25-05-2020 11:57
Жынысы:
Белгисиз
-8
булар ак иштегенде азыр аэропорт гулдоп, шаарда балдар бакчасы мектеп тартыш болмок эмес.
07.02.2020. 13:26 
Тайпасы:
Жаран
Комментарийлердин саны:
457
Катталган:
05-08-2019
Соӊку аракети:
25-05-2020 17:10
Жынысы:
Белгисиз
-7
өзүн гана ойлогон ууру мэрлер. АШАнын убагында жыргадыңар го
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
144390;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: