реклама
super.kg logo

170 адамдын өмүрүн алган коронавирус. "Памперс" кийип, чачын кырдырып иштеген медайымдар, отурган жеринен кулаган дарыгер

 

Кытайдан чыккан коронавирустан азыр баары коркуп турган чагы. Мындай учурда оорчулук медицина кызматкерлерине түшөт эмеспи. Чет элдик басылмаларга Кытайда иштеп жаткан медайым, ыктыярчылардын блогдору, маектери чыкты. Анда коронавирус менен күрөшүү дарыгерлердин өмүрү үчүн да коркунуч жаратып жатканын, бейтаптардын көптүгүнөн эс алуу бул жакта турсун дааратканага бара албай, атайын чоңдорго ылайыкташкан такма жалаяк (памперс) колдонуп жатышкандарын жашырышкан эмес.

"Beidou" маалымат агенттигине Донг Тингтинг аттуу медайымдын окуясы чыккан. Аны 26-январь күнү Ляонин провинциясынан 136 кызматкер менен кошо Ухан шаарына жөнөтүшкөн. "Бизге 4-6 сменге иштейсиңер деп түшүндүрүштү. Тез арада караш керек болгон бейтаптардын көптүгүнө байланыштуу эс алуу бул жакта турсун дааратканага бара албайсың. Ошондуктан мен атайын чоң адамдарга ылайыкташкан такма жалаяктын 2 топтомун жана дезинфекцияланган салфеткаларды сатып алдым", - деп жазган ал блогунда.

Ал эми "Network" басылмасы Шань Ся аттуу медайым коронавирусту жуктуруп албоонун амалын көрүп, чачын кырдырып салганын жазган. Маалыматта Шань Ся иштеген ооруканада медициналык кызматкерлердин 31и чачын кестирип салганы айтылат.

Тыгыз графикте иштеген медициналык кызматкерлер башын жууганга шарты жок экендигин, ага кошумча улук медайым чачты кыскартуу менен коронавирусту жугузуу коркунучу азаярын айтканын билдирген. "Мен өзүм деле чач жасалгамды өзгөртөйүн деп жүргөм. Албетте, кырдырам деген эмесмин. Бирок эч нерсе эмес, чач өсүп кетет", - деген ал.

Ал эми Шанхайдан келген Дин Шиин аттуу медайым азыркы күнгө чейин вирус жуктуруп алуудан корккону жазылган. "Мен Уханга келгенден бери коргонуу тууралуу көп ойлоном. Коргонуучу кийимди кантип кийип, чечүүнүн баарын жазып алгам. Кийинип жатканда майда-чүйдө нерсесине чейин унутпашым керек деп аябай дыкат карайм. Экинчи түнү коргонуудан катачылык кетирип албайын деп ойлонуп жатып, уктабай да чыктым" дейт медайым. "3 кабат кийимди кийүүнүн өзүнө эле жарым саат убакыт кетет. Кийинип алып вирус өрлөгөн аймакка киргенде баарын туура эле кийдикпи деп кайра бири-бирибизди кылдат текшерип чыгабыз", - деген Дин Шиин.

37 жаштагы ооруканада компьютердик томографияда отурган дарыгер аларга жөтөлгөн, калтырап баштаган (судороги) абалдагы бейтаптар келерин жана толук коргонууга шарт болбогондуктан кесиптештери да вирус жуктурганын айтат.

"10 күн мурун кесиптешим вирусту жуктуруп алып, отурган жеринен кулап түштү. Декабрь айынын аягында бизге вируска кабылгандар келип баштаган. Январдын башында бейтаптар көбөйө баштады. Адатта биз 60-80 кишини кабыл алчубуз. Январдын ортосунда күнүнө 300 адамды көрүүгө туура келди. Ажатканага барууга убакыт таппай жаттык. Азыр Ухан шаарынын бардык ооруканаларында ушундай абал", - дейт дарыгер. Ошондой эле ал январдын башында жөтөлүп баштагандан чочулап үй-бүлөсүн башка шаарга алып барып салганын жана шаарда коомдук транспорт жүрбөй калганына байланыштуу ооруканага велосипед менен 40 мүнөт жол жүрүп келип, кетерин билдирген.

Ал эми Ухан шаарындагы ооруканада иштеген 29 жаштагы анестезиолог Е Жи вирустун очогу болгон шаардагы абалды мындай сүрөттөйт. "Январда абал курчуду. Тез арада абал курчуп кеткендиктен биздин бөлүмдө коргоочу кийимдер, көз айнек жок болчу. Бир күнү операция бөлүмүндөгү хирург калтырап баштады. Томографиядан ал пневмония болуп калганы аныкталды. Ошол кезде бөлүмдө коронавируска шек жаралган бейтап жаткан болчу. Ага ошол бейтаптан жукса керек деп ойлоп калдык. Андан кийин дагы 3 дарыгер вирус жугузуп алганын билдим", - деп дарыгер да абалы коркунучта экенин билдирген.



“Памперс” кийип иштеп жатабыз". Ухандагы дарыгерлер абалын айтышты

Автор: Кызжибек Раимова
Оператор: Батырбек Зарлыков
 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(15)
30.01.2020. 17:06 
Тайпасы:
Жаран
Комментарийлердин саны:
1812
Катталган:
04-03-2017
Соӊку аракети:
10-04-2020 11:01
Жынысы:
Белгисиз
+5
Табаа эмес тооба дейли бирок, менин оюмча кытайларга Кытай жергесиндеги азчылыкты тузгон, лагерлерде кыйынчылык коруп жаткан адамдардын, алардын уй булолорунун каргышы, дубасы тийип жатат деп ойлойм, бул жаатта кытай бийлиги ото катуу саясат жургузуп жатат, бугун азаттыктан окудум, куйоолору лагерде жаткан уй- булолорго атайын адамдарды жонотуп атышыптыр, алар жон барбай озу менен кошо арак, чочконун этин алып барышат экен дагы лагердегилердин аялдары менен зына кылышат экен. Бул ото жаман нерсе
30.01.2020. 20:15 
Тайпасы:
Жаран
Комментарийлердин саны:
10
Катталган:
30-10-2013
Соӊку аракети:
02-04-2020 00:09
Жынысы:
Белгисиз
Калаасы:
ош
0
kechirmeni мага ошол сслкасын жиберчи толук окуюн менда досум
30.01.2020. 20:42 
Тайпасы:
Жаран
Комментарийлердин саны:
262
Катталган:
20-09-2014
Соӊку аракети:
08-04-2020 20:53
Жынысы:
Белгисиз
+1
ibragimkg кирсеңер табасыңар. Таңууланган туугандар деп аталат болуш керек макала.
Модератор admin_media түзөттү 2020-01-31 09:49:31
30.01.2020. 21:07 
Тайпасы:
Жаран
Комментарийлердин саны:
763
Катталган:
04-07-2017
Соӊку аракети:
10-04-2020 15:41
Жынысы:
Белгисиз
+4
kechirmeni,туура канчалаган бейкуноолорду лагерде кыйнап жатат алардын ичинде кыргыздар дагы бар Аллахтын кудурети чексиз
31.01.2020. 02:04 
Тайпасы:
Жаран
Комментарийлердин саны:
131
Катталган:
10-12-2015
Соӊку аракети:
08-04-2020 23:28
Жынысы:
Белгисиз
-2
kechirmeni, ал жерде зынаа деген нерсе жок. Бирок чочко, алкоголь чындык!
31.01.2020. 08:28 
Тайпасы:
Жаран
Комментарийлердин саны:
408
Катталган:
20-07-2016
Соӊку аракети:
10-04-2020 15:17
Жынысы:
Белгисиз
Калаасы:
Аксы
+3
keku00,1 жума жанында жатса зына кылбай не. Кытайлардын кылыгын кара эрин камап коюп аялын кыншылатып. Окусан азаттыктан. Туугандар деген теманы
31.01.2020. 09:55 
Тайпасы:
Жаран
Комментарийлердин саны:
1812
Катталган:
04-03-2017
Соӊку аракети:
10-04-2020 11:01
Жынысы:
Белгисиз
+1
keku00,чогуу жатып алат дегени зынаа да
31.01.2020. 22:11 
Тайпасы:
Жаран
Комментарийлердин саны:
1095
Катталган:
18-09-2018
Соӊку аракети:
10-04-2020 14:05
Жынысы:
Белгисиз
0
kechirmeni,как будто кыргызда зынаа жоктой суйлойсунор. Тобоо
30.01.2020. 17:14 
Тайпасы:
Жаран
Комментарийлердин саны:
100
Катталган:
10-06-2015
Соӊку аракети:
09-04-2020 17:59
Жынысы:
Белгисиз
+5
Аллах бул апааттан пенделеринди сактай кор...
30.01.2020. 17:45 
Тайпасы:
Жаран
Комментарийлердин саны:
69
Катталган:
14-11-2016
Соӊку аракети:
10-04-2020 14:14
Жынысы:
Белгисиз
+2
Ишке берилгендиктин, патриотуктун белгиси. Кудайым сактай көр пендеңи.
30.01.2020. 19:18 
Тайпасы:
Жаран
Комментарийлердин саны:
0
Катталган:
01-05-2017
Соӊку аракети:
10-04-2020 15:01
Жынысы:
Белгисиз
+2
Тооба !! айыккыс дарттан сактай кор баардык пенделеринди!!!
30.01.2020. 19:27 
Тайпасы:
Жаран
Комментарийлердин саны:
67
Катталган:
27-11-2015
Соӊку аракети:
10-04-2020 12:33
Жынысы:
Белгисиз
+3
Түрү суук кытайлар бок сакты жеп ушуну ашырды да жарганатты да жейби адам
30.01.2020. 19:41 
Тайпасы:
Жаран
Комментарийлердин саны:
1
Катталган:
17-07-2012
Соӊку аракети:
10-03-2020 18:42
Жынысы:
Белгисиз
+11
Мыкты медайым экен. Аллахым буларга ден-соолук берсин омурлору узун болсун. Канча адамды сакайтса ошончо сооп берсин Аллахым!
31.01.2020. 08:41 
Тайпасы:
Жаран
Комментарийлердин саны:
303
Катталган:
28-12-2013
Соӊку аракети:
08-03-2020 11:02
Жынысы:
Белгисиз
+4
Кесибини чындап сүйгөн медиктер экен эй,башканын жанын сакташ үчүн керек болсо чачын кырып салыптыр.Биздикилер болгондо,андан көрө иштен кетем демек))) Кудай сактасын,жаман ооруулар алыс болсун бизден...
31.01.2020. 21:13 
Тайпасы:
Жаран
Комментарийлердин саны:
29
Катталган:
30-10-2019
Соӊку аракети:
10-04-2020 14:07
Жынысы:
Белгисиз
Калаасы:
Туулган айылым
0
Кесибин чын дилден суйгон медиктер бар экен, алдыларына таазим кыла турган. Кудай сактасын бирок бизде мындай медиктерди манжа менен гана санап болот
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
141001;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: