super.kg logo
  Саясат  

Депутат: "Насирбек Алмаматовду бошоткон соттун жоопкерчилигин кароо керек"

 

Бүгүн, 29-январда Жогорку Кеңештин жыйынында депутат Алмазбек Акматов Мамлекеттик каттоо кызматынын мурдагы бөлүм башчысы Насирбек Алмаматовду бошоткон соттун жоопкерчилигин кароо керектигин айтты.

"Маалымат каражаттарынан окуп жатабыз. Райондук соттор соттосо, шаардык соттор актап жатат. 24-январда Коопсуздук кеңештин жыйынында президент Сооронбай Жээнбеков дагы Насырбек Алмаматовдун бошотулушу боюнча соттор, прокурорлор күнөөлүү экенин айтты. Мамлекеттик каттоо кызматынын мурдагы бөлүм башчысы райондук соттун чечимин жокко чыгарып, аны бошоткон. Кайра Жогорку Сот бул ишти караганда, ал качып кеткен. Аны бошоткон прокурор жумуштан алынды. Соттун жоопкерчилиги каралабы?", - деп сурады депутат.

Жогорку Соттун төрайымы Гүлбара Калиева соттун жоопкерчилиги боюнча сунуш келтирилсе, Тартип комиссиясында каралышы мүмкүн экенин айтты.

Депутат: "Бул маселе Коопсуздук кеңеште айтылып жатса, сот отура береби? Мындай иштер көп болуп жатат. Эл карап турат, жыйынтык чыгарбайсыңарбы" деген суроосуна Калиева: "Биз талкуу жүргүзүп жатабыз. Өзүбүздүн жоопкерчиликти сезип жатабыз", - деп жооп берди.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
137919;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: