реклама
super.kg logo

ЖЭБ соту: Исаковдун жактоочусу өткөн процессти үзгүлтүккө учуратканы үчүн кечирим сурады

 

Бүгүн, 29-январда Бишкек шаардык сотунда ЖЭБ иши боюнча жактоочулардын апелляциялык даттануулары каралып жатат. Ага Бишкек жылуулук электр борборун модернизациялоону башкаруу боюнча топтун мурдагы аткаруучу директору Темирлан Бримкулов, мурдагы финансы министри Ольга Лаврова жана "Электр станциялары" ишканасынын башчысынын мурдагы орун басары Жолдошбек Назаров жана мурдагы депутат Осмонбек Артыкбаев келди.

Отурумдун башында жактоочулар Замир Жоошев жана Эрнис Сааданбеков ишке күбө катары келчү жарандарга соттун чакыруу кагазын тапшырышканына карабай, алар келбегендигин айтышты.

Буга карата судья Ирина Воронцова ар бир соттук процесс өзүнө ылайык тартип менен өтөрүн эскертти.

"Сот отурумунун тартибине жараша алгач айыпталуучулар суракка алынат. Андан кийин тараптарга сөз берилет. Акырында күбөлөр көрсөтмө берет. Силер күбөлөрдү 27-январга чакырыптырсыңар. Жактоочулар алардын келүү датасын коё албайт", - деди судья.

Мындан тышкары, Сапар Исаковдун кызыкчылыгын жактап жаткан Замир Жоошев өткөн процессти үзгүлтүккө учуратканы үчүн отурумдун катышуучуларынан кечирим сурады.

Учурда мурдагы өкмөт башчы Сапар Исаков сурак берип жатат.

2019-жылдын 6-декабрында Бишкектин Свердлов райондук соту коррупция боюнча айыпталып жаткандарга карата чечим чыгарган. Анда мурдагы өкмөт башчы Сапар Исаков менен "Улуттук энергетикалык холдинг" ишканасынын мурдагы башчысы Айбек Калиев "коррупция" беренеси менен күнөөлүү деп табылып, 15 жылга эркинен ажыратылган. Мурдагы өкмөт башчы Жантөрө Сатыбалдиев 7 жыл 6 айга соттолсо, депутат Осмонбек Артыкбаев менен мурунку финансы министри Ольга Лаврова айып пул төлөөгө милдеттендирилген.

"Электр станциялары" ишканасынын башчысынын мурдагы орун басары Жолдошбек Назаров жана Бишкек жылуулук электр борборун модернизациялоону башкаруу боюнча топтун мурдагы аткаруучу директору Темирлан Бримкуловдун жаза мөөнөтү өткөндүгүнө байланыштуу сот залынан бошотулушкан. Ал эми "Электр станциялары" ишканасынын мурдагы башчысы Салайдин Авазов "коррупция" беренеси менен күнөөлүү деп табылып, 11 жыл 3 айга эркинен ажыратылган.

Соттук ишке Ирина Воронцова төрагалык кылууда, ал эми соттук коллегияда Нурбек Эсеналиев жана Нурлан Кожомбердиев.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(3)
29.01.2020. 12:17 
Тайпасы:
Конок
Комментарийлердин саны:
33
Катталган:
06-12-2019
Соӊку аракети:
09-03-2020 17:54
Жынысы:
Белгисиз
0
Ошондо бул адвокат чакырууга дата коюп мыйзамды билбейт го сыягы.
29.01.2020. 12:29 
Тайпасы:
Жаран
Комментарийлердин саны:
776
Катталган:
27-11-2018
Соӊку аракети:
27-05-2020 22:57
Жынысы:
Белгисиз
-2
Замир аябай куу адам экениң көрүнүп турат. Соттук отурумду атайын создуктуруп жатат.
29.01.2020. 13:00 
Тайпасы:
Жаран
Комментарийлердин саны:
54
Катталган:
03-11-2019
Соӊку аракети:
24-05-2020 22:31
Жынысы:
Белгисиз
+3
Бул сот иши Жээнбековтордун ойлоп чыгарган иши болчу. Сооронбай Жээнбековтор да жазасын алыш керек.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
144545;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: