super.kg logo

Бишкекте "милиция кызматкеримин" деп алдамчылык кылган жаран колго түштү

 

Бишкекте өзүн "Ички иштер министрлигинде иштейм" деп тааныштырып, акча талап кылган жаран кармалды. Учурда шектүү убактылуу кармоочу жайга киргизилгенин ИИМдин маалымат кызматынан билдиришти.

"Ушул жылдын 20-январында укук коргоо органдарына М.Ж. аттуу жаран жардам сурап кайрылган. Анда белгисиз жаран өзүн "милиция кызматкеримин" деп тааныштырып, Н.К. аттуу айым аны менен жыныстык катнашка барбаса, кылмыш жообуна тартарын айткан. Мындан тышкары, милиция кызматкеримин деген киши 60 миң сом талап кылганын айткан.

Бул факт Кылмыштардын жана жоруктардын бирдиктүү реестрине 203-берене (опузалап акча талап кылуу) менен катталды.

21-январда ыкчам тергөө иштеринин жүрүшүндө Бишкектеги кафелердин биринен 35 миң сом акча алып жаткан жеринен К. уулу У. шектүү катары кармалды. Аны текшерүү учурунда күрмөсүнөн "Коомдук көзөмөл" уюмунун кызматкери деген күбөлүк алынды.

Текшерүүгө ылайык, К. уулу У. ички иштер органдарынын кызматкери эмес экендиги аныкталды. Учурда шектүүнүн мындан башка дагы кылмыш иштерине катыштыгы бар же жок экендигин аныктоо иштери жүргүзүлүп жатат", - деди басма сөз кызматынын өкүлү.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
137872;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: