реклама
super.kg logo

Чүйдө турак үй тонолду. Шектүүлөрдүн бири жатак абакта жазасын өтөп жатса, экөө ноябрь айында абактан чыгышкан

 

Чүйдүн Аламүдүн районунда турак үйдү тоноого шектелип, мурда сот жообуна тартылган жарандар кармалды. Бул тууралуу Чүй ОИИББинин басма сөз кызматынан билдиришти.

Маалыматка ылайык, 26-декабрь күнү Аламүдүн РИИБинин нөөмөт бөлүмүнө Көк-Жар айылындагы үйлөрдүн бирин тоноп кетишкени боюнча маалымат түшкөн. Окуя болгон жерге милиция кызматкерлери барып, анда 23 жаштагы шаар тургунунун үйүн тоноп кетишкенин аныкташкан. Жабырлануучунун айтымында, 26-декабрь күнү саат 15:30 чамасында үйгө белгисиз адамдар бет кап менен кирип, тапанча менен үй ээсин коркутуп, 25 миң сом акча, зер буюмдарды жана ноутбукту алып, белгисиз жакка качып кетишкен.

Бул факты Кылмыштардын жана жоруктардын бирдиктүү реестрине "каракчылык" беренеси менен катталып, сотко чейинки өндүрүшкө алынган.

Ыкчам иликтөө тобу 4-январь күнү бул ишке шектүү катары мурда сот жообуна тартылган 3 жаранды кармашкан. Алар 37 жаштагы Д.Н. 34 жаштагы Р.Н. 38 жаштагы Ш.З. аттуу жарандар болушкан. Алардын бири Талас облусундагы жатак абакта жазасын өтөп жаткан. Ал эми экөө өтүп кеткен жылдын ноябрь айында жазаларын өтөп бүтүп, абактан чыгышкан. Учурда алар убактылуу кармоочу жайга киргизилип, тергөө иштери уланууда. Шектүүлөр кармалганда алардын жанынан далил буюм катары тапанча жана бет кап табылган.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(1)
06.01.2020. 16:57 
Тайпасы:
Жаран
Комментарийлердин саны:
303
Катталган:
28-12-2013
Соӊку аракети:
08-03-2020 11:02
Жынысы:
Белгисиз
0
ммммм. колдоруна подарка берип,бетинен өөп чыгарып жибердиңер да ээ... уурдалган буюмдар,акча эмне болду?!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
140306;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: