super.kg logo

Кышында Ысык-Көлдө сууга түшкөн Гүланда, сүйүктүүсү менен келечекке кадам таштаган Анжелика... Жаңы жылды ким кандай тосту?

 

Оливье, шампан, мандарин... Мунун баары Жаңы жылдык дасторкондун негизи экени талашсыз. Жаңы жылды тосууга камдануу, бири-бирин куттуктоо өзүнчө эле жагымдуу иш. Кирип келген Чычкан жылын кыргыз атактуулары кандай тосконун тизмектеп көрдүк.

Быйыл ырчылар Аваз Акимов менен Айдана Дека Жаңы жылды өзгөчө тосушту. Тагыраагы, Аваз Акимов ак өргөөсүндө ата-энеси, бир туугандары, жубайы менен бул майрамды белгиледи.

Ал эми ырчы, алпаруучу Анжелика бул жолу Жаңы жылды кыздары менен тосту. Белгилей кетчү нерсе, Анжелика айым Жаңы жылды жүрөгүн ээлеген мырзасы менен дагы белгиледи. Ал сүйүктүүсү менен чогуу балаты кооздогон сүрөтүн социалдык тармактагы баракчасына жарыялап, билдирүү калтырды.

"Биз келечекке карай туура кадам таштадык. Бул менин жеке жашоом тууралуу алгачкы жана акыркы жолку билдирүүм. Болгону бакыт каалап коюңуздар", - деген ал.

Курбулар жана ырчылар Азиза, Айнура Салахидинова, Роза Шакирова 2020-жылды чогуу тосту. Алар кыргыз элине куттуктоо даярдап жатканда шампан атылып кеткен видеосу менен бөлүштү. Бул тууралуу Роза Шакирова буларга токтолду.

"Баарыбыз үй-бүлөбүз менен Нурила деген курбу кызыбыздын үйүнө Жаңы жылды тосуу үчүн барганбыз. Элибизге дагы куттуктоо айтып, аны социалдык тармакка жарыялап коёлу деп сүйлөп жатканда шампан атылып кетти. Куттуктообуз аягына чыкпай калды", - дейт ал.

Жаңы жылдык чакан корпоративге айландырган ырчы Сема бул майрамды жыл сайын ата-энеси, бир туугандары менен белгилей турганын айтат.

"Негизи Жаңы жылды дайыма бир туугандарым, алардын балдары менен тособуз. Беш бир тууганбыз. Быйыл дагы салтты бузбай, 2020-жылды менин үйүмдө тостук. Майрамда сөзсүз фортепиано ойнойм, балдарым бийлейт, каалоочулар ырдап кечебиз жакшы өтөт. Бул күнү ата-энеме, бир туугандарыма, алардын балдарына белек тартуулап келем. Быйыл балдарым мага белек беришип, ары таң калтырып, ары кубандырды. Балдарым чоңоюп калганын ошондо билдим. Адатта белекти, сюрприздерди жубайым жасачу. Мен ага балдарга сен айтып белек бердирттиң десем, жубайым дагы таң калды", - дейт ал.

Өзүн кыргыздын деми атаган ырчы Гүлзат Мамытбек 2020-жылды балдары менен тосту. Белгилей кетсек, 2019-жылы февраль айында Гүлзат Мамытбек мурунку жолдошу менен ажырашкан мезгилде балдары жана үйү жолдошунда калган.

Ырчы Гүланда 2020-жылды адаттагыдан тышкары тосту. Дегенибиз ырчы бул майрамды үй-бүлөсү, жакын достору менен Ысык-Көлдөн белгиледи.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -1 
Комментарийлер(5)
02.01.2020. 17:21 
Тайпасы:
Жаран
Комментарийлердин саны:
56
Катталган:
13-02-2018
Соӊку аракети:
26-02-2020 17:01
Жынысы:
Белгисиз
+8
Бул сапар Самара жокко супер инфо
02.01.2020. 19:38 
Тайпасы:
Жаран
Комментарийлердин саны:
2451
Катталган:
11-01-2017
Соӊку аракети:
26-02-2020 14:36
Жынысы:
Белгисиз
+1
Айбек Каримовдун крылосу кетип калыптыр го. Аваз жаны жылга Акаевди чакырыптыр.
02.01.2020. 22:55 
Тайпасы:
Конок
Комментарийлердин саны:
44
Катталган:
06-12-2019
Соӊку аракети:
02-02-2020 20:02
Жынысы:
Белгисиз
+4
Гулзат мамытбектин чычкандары укмуш го)))
03.01.2020. 00:34 
Тайпасы:
Жаран
Комментарийлердин саны:
11
Катталган:
06-08-2015
Соӊку аракети:
26-02-2020 00:28
Жынысы:
Белгисиз
0
Баарынар бактылуу болгула!!!
03.01.2020. 01:30 
Тайпасы:
Жаран
Комментарийлердин саны:
943
Катталган:
26-01-2017
Соӊку аракети:
13-01-2020 19:01
Жынысы:
Белгисиз
+1
Семанын үйү хансарай го бизге да насип кылсын ушундай үйлөр.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
137973;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: