super.kg logo

Ак калпак жасоо өнөрү жана кийүү салты ЮНЕСКО тизмесине катталды

 

Ак калпак жасоо өнөрү жана кийүү салты ЮНЕСКОнун Адамзаттын бейзаттык маданий мурасынын өкүлдүк тизмесине киргизилди. Бул тууралуу ЮНЕСКОнун Кыргыз өлкөсүндөгү өкүлчүлүгү билдирди.

Бул тууралуу чечим, 2019-жылдын 12-декабрында Колумбиянын борбору Богота шаарында өтүп жаткан Адамзаттын бейзаттык маданий мурастарын коргоо боюнча өкмөттөр аралык комитетинин 14-отурумунда бир добуштан кабыл алынды.

Аталган сунуштаманы даярдоо боюнча иштер акыркы 3 жылдын ичинде «Кийиз Дүйнө» коомдук фонду менен биргеликте ЮНЕСКО иштери боюнча Кыргыз Республикасынын Улуттук комиссиясы тарабынан жүргүзүлүп келген. Сунуштама ЮНЕСКОнун Катчылыгына 2018-жылы жиберилип, көз карандысыз эл аралык серепчилер сунуштамаларды 2 жылдын ичинде талдап, чечимдерин чыгарышкан.

Адамзаттын бейзаттык маданий мурастарын коргоо боюнча Өкмөттөр аралык комитети – өз курамында Конвенцияга мүчө болгон өлкөлөрдүн 24 өкүлүнөн түзүлүп, алар 4 жылдык мөөнөткө шайланып, өз отурумун бир жылда бир жолу өткөрүшөт.

Кыргыз өлкөсүнүн атынан ЮНЕСКОнун бейзаттык маданий мурастарынын тизмелерине «Манас», «Семетей», «Сейтек» үчилтиги; акындардын өнөрү; кийиз басуу өнөрү: ала кийиз, шырдак жасоо өнөрү; боз үй жасоо өнөрү (Кыргыз өлкөсү, Казакстан); төкмө акындар өнөрү (Кыргыз, Казакстан); жука нан бышыруу маданияты: лаваш, катырма, жупка, юфка (улуттар аралык сунуштама); Нооруз майрамы (улуттар аралык сунуштама) жана көк бөрү киргизилген.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 4 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136282;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: