super.kg logo

Өлкө боюнча жылына 6000дей адам эмдөөдөн баш тарта турганы айтылды

 

Бүгүн, 13-декабрда Бишкекте вирустуу гепатит оорусу жана аны алдын алуу иш-чаралары тууралуу маалымат жыйын өттү. Ага Саламаттыкты сактоо министрлигинин коомдук саламаттыкты сактоо башкармалыгынын башчысы Айнура Акматова, Саламаттыкты сактоо министрлигинин алдындагы оорулардын алдын алуу жана мамлекеттик санитардык-эпидемиологиялык көзөмөлдөө департаментинин эпидемиология бөлүмүнүн башчысы Динара Оторбаева, Республикалык иммунопрофилактикалык борборунун директору Гүлбара Ишенапысова жана башкалар катышты.

Жыйында эмдөөдөн баш тарткан жарандар көбөйүп жатканы тууралуу айтылды. "Бул нерсе коомго туура эмес маалымат жетип жаткандыктан болуп жатат. Төрөт үйлөрүнөн баштап эле эмдөөдөн баш тарткандар катталууда. Жылына 6000 адам эмдөөдөн баш тартса, алардын ичинен 3000-4000ге жакыны 1 жашка чейинки балдарга алардын ата-энелери баш тартып жаткандыктан, эмдөө жасалбай калып жатат. Алардын көбү диний көз караштагы жарандар", - деп белгиленди маалымат жыйынында.

Буга байланыштуу SUPER.KG порталы "Акыркы кезде эмдөөдөн кийин майыптыкка учураган фактылар кездешип жатат. Мындай фактылардын айынан бир гана диний көз караштагы жарандар эмес, балдарынын коопсуздугунан чочулаган ата-энелер дагы баш тартууда. Мындай учурда дарыгерлер: "эмдөө майыптыкка алып келбейт" деген оозеки жоопту айтып келишет. Ушул жагдайларды ата-энелерге кантип түшүндүрсө болот?" - деген суроо салды.

"Бүгүнкү күндө 6000 адамдын 68 пайызы диний көз караштардан улам баш тартып жатса, анын ичинен 20 пайыздан ашыгы коопсуздугун ойлоп, эмдөөдөн баш тарткан ата-энелер кездешүүдө. Ал эми айрымдарына расмий маалымат жетпей жатат. Эмдөө боюнча көзөмөл бар. Медициналык кызматкерлер бир күндө 50гө жакын балдарга эмдөө жасайт. Бирок эмдөөгө чейин баланы даярдоо процесси жүрөт. Ал бала планга түшөт, ата-энесине эки-үч күн мурун билдирилет. Мындан тышкары, биз эмдөө баракчасынын сертификатын чыгардык. Ошонун ичинде дагы бардык маалыматтарды топтогонбуз. Эмдөө боюнча күмөн саноолор болот. Бирок бул көзөмөлгө алынат. Баланын ар бир реакциясы каралат, эгер баланын дене табы үч күнгө чейин түшпөй койсо дагы көзөмөлгө алабыз. Ар бир саламаттыкты сактоо мекемелеринде комиссиялык топ иштейт. Анын ичинде иммунолог, невропатолог бар, ага баланы эмдеген медайым жана эпидемиолог кирет. Алар ар бир учур боюнча иликтөө жүргүзүп, бир чечимге келет. Азыр бизде республикалык статистика боюнча, эмдөөдөн кийин бала ооруп калды деген учур катталган эмес. Эгер эмдөө алып жаткан баланын кандайдыр бир ооруга жакындыгы болсо, ага неврологиялык статус берилет. Башкача айтканда, аларга убактылуу медотвод берилет. Анын баары көзөмөлдө. Биз азыр медицина кызматкерлери менен иштеп, чоң жумуш жасап жатабыз. Ата-энелерге туура маалымат берүү, жеткирүү боюнча иштер жүргүзүлүүдө. Анын алкагында, 1000 медициналык кызматкерди окуудан өткөрдүк", - деди Гүлбара Ишенапысова.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(5)
14.12.2019. 00:30 
Тайпасы:
Жаран
Комментарийлердин саны:
53
Катталган:
28-02-2017
Соӊку аракети:
18-12-2019 01:09
Жынысы:
Белгисиз
+3
Акмактар силердин сабатынар жокта, кантип тушундуросунор. Прививканын курамында эмнелер бар десе билбейсинер, чет жактан келген даары дармекти контролдобойсунар баарын акча чечет, бираз акча берсе эмне сатканы менен ишинерда болбойт анан ким ишенет силерге.
14.12.2019. 03:59 
Тайпасы:
Жаран
Комментарийлердин саны:
99
Катталган:
02-03-2018
Соӊку аракети:
19-01-2020 16:11
Жынысы:
Белгисиз
+2
Албай эле койуш керек деп ойлойм
14.12.2019. 10:47 
Тайпасы:
Жаран
Комментарийлердин саны:
140
Катталган:
18-05-2015
Соӊку аракети:
19-01-2020 09:43
Жынысы:
Белгисиз
+1
Кээ бир наристелер эдөөдөн кийин оорулу(дцп)болуп калып жатышпайбы анан коркушат да
14.12.2019. 16:14 
Тайпасы:
Жаран
Комментарийлердин саны:
25
Катталган:
07-03-2014
Соӊку аракети:
19-01-2020 18:12
Жынысы:
Белгисиз
+1
Эмдөөнүн бизге кереги жок.Эмнени сайганын доктурлар өздөрү да билишбейт.Муну кыргызыстанда текшере турган лабаратория жок.
14.12.2019. 16:34 
Тайпасы:
Жаран
Комментарийлердин саны:
64
Катталган:
13-02-2017
Соӊку аракети:
18-01-2020 21:23
Жынысы:
Белгисиз
Калаасы:
Базар-Коргон гул коргон....)
+1
Мен да буйруса жакында 3чу наристеми торосом бир да эмдоо алдырбоону чечтим.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136282;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: