реклама
super.kg logo

Бишкектин тургунуна контейнер алып берем деп 4 миң доллар акчасын алып, из жашырган шектүү кармалды

 

ИИМдин кызматкерлери алдоо жолу менен ири өлчөмдөгү акча каражатын алып качып жүргөн жаранды кармашты. Бул тууралуу министрликтин басма сөз кызматынан билдиришти.

Маалыматка ылайык, 6-декабрь күнү ИИМдин тергөө кызматына Р.Т. аттуу жаран арыз менен кайрылган. Арызда Бишкек шаарынын Абдырахманов көчөсүндө жайгашкан акча алмаштыруу пунктунун жанынан тааныш Сталбек жана анын достору Кубан, Алмаз аттуу жарандар Бишкек шаарынын "Дордой" базарынын борбордук өтмөгүнүн контейнер сатып беребиз деп, арыз ээсинин ишенимине киришип, алдоо жолу менен жалпысынан 4 миң доллар акчасын ээлеп алышканын айтып арыз жазган.

"Ошол күндөн бери бул жарандар контейнерди сатып бербей же акча каражатын кайтарып бербей качып жүрүшкөн. Жогорудагы факты Кылмыштардын жана жоруктардын бирдиктүү реестрине "алдамчылык" беренеси менен катталып, сотко чейинки өндүрүшкө алынган. 9-декабрь күнү ИИМдин криминалдык милиция кызматынын кызматкерлери тарабынан уюшкан кылмыштуу топтун мүчөсү катары ИИМдин атайын каттоосунда турган 1979-жылы туулган К.Т. аттуу Бишкек шаарынын тургуну кармалган. Шектүү Бишкек ШИИББинин убактылуу кармоочу жайына киргизилди. Азыркы учурда аталган кылмыш ишине тиешеси бар башка шектүүлөрдү кармоо боюнча ыкчам-иликтөө иш-чаралары жүрүп жатат", - деп билдирет басма сөз кызматынан.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
145186;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: