super.kg logo

Министрлик: "Мектептерде, бала бакчаларда балдардын жыштыгы вирустуу гепатиттин өрчүшүнө алып келиши мүмкүн"

 

Кыргыз өлкөсүндө вирустуу гепатит боюнча эпидемиологиялык абал стабилдүү. Бул тууралуу бүгүн, 13-декабрда Саламаттыкты сактоо министрлигинин Коомдук саламаттыкты сактоо башкармалыгынын башчысы Айнура Акматова билдирди.

Ага ылайык, акыркы 11 айда вирустуу гепатит боюнча 8 миң 605 учур катталган. Бул көрсөткүч башка жылдарга салыштырмалуу оорунун 2,3 пайызга төмөндөгөнүнөн кабар бергендиги айтылды.

"Вирустук гепатиттин туруктуу төмөндөшү байкалууда. Бул илдеттин булагы, албетте, оорулуу адам. Вирустуу гепатит илдетине чоңдор жана балдар көбүнчө күз-кыш мезгилдеринде кабылышат. Буга ичүүчү таза суунун жетишсиздиги себеп болууда. Мектеп окуучуларынын тазалыкты сакташына шарттардын жетишсиздиги ооруга чалдыгуу себептеринин бири. Бала бакчаларда деле ушундай кырдаал көйгөй жаратып келет. Ошондой билим берүү мекемелеринде окуучулардын жана тарбиялануучулардын жыштыгы дагы вирустуу гепатиттин өрчүшүнүн себептеринин бири.

Мындан тышкары, базарларда, тамактануучу жайларда жана сулуулук салондорунда жана башка коомдук жайларда туруктуу санитардык абалды сактоого мүмкүн болбой жатат. Белгилей кетүүчү нерсе, биз сулуулук салондорун жеке медициналык клиникаларды текшере албайбыз. Анткени аларды текшерүүгө мораторий жарыяланган. Балким ушул себептен алар тийиштүү деңгээлде текшерилбей жаткандыктан, гепатит жуктуруп алуу учурлары катталууда", - деди ал.

Мындан тышкары, А вирустук гепатити оорусуна чалдыккандардын ичинен 88,8 пайызы (7 миң 179 учур) 14 жашка чейинки балдар экендиги белгиленди.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(2)
13.12.2019. 17:23 
Тайпасы:
Жаран
Комментарийлердин саны:
617
Катталган:
29-01-2019
Соӊку аракети:
28-02-2020 22:22
Жынысы:
Белгисиз
+2
Азыр грипптин күчөгөн сезону балдарды этият кылыш керек
13.12.2019. 17:36 
Тайпасы:
Жаран
Комментарийлердин саны:
635
Катталган:
27-11-2018
Соӊку аракети:
28-02-2020 18:05
Жынысы:
Белгисиз
0
Гепатит оору күн сайын өсүүдө. Анын вакцинасын көбөйтүп оорулууларга түшүндүрүү иштерин жүргүзүү керек.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
138115;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: