super.kg logo

Чет өлкөдө иштөө үчүн жаштар эмне үчүн Түркияны тандашат? "Рамай саякат" туристтик агенттигинин негиздөөчүлөрү "биз аркылуу Түркияга барган мекендештердин жумуш орду алдын ала даяр болот"

 

"Супер-Медиа" маалымат жыйын залында "Рамай Саякат" агенттигинин негиздөөчүлөрү Бейшенбек Аскаров, Миргүл Көчөрбаева жана агенттик аркылуу Түркияга барып иштеп келген мекендештер агенттиктин артыкчылыктары тууралуу айтышууда.

Алгач агенттиктин жетекчиси Бейшенбек Аскаров сөзгө чыгып, агенттик тууралуу маалымат берип кетти. "Биздин легалдуу түрдө иштеп келатканыбызга 5-6 жыл болуп калды. Биз Түркияга легалдуу түрдө жумушка орноштуруу боюнча алектенебиз", - деди ал.

Агенттиктин негиздөөчүсү Миргүл Көчөрбаева "Рамай Саякат" агенттигин 2015-жылы ачканбыз. Ошондон бери Түркияга кыргыз жарандарын ийгиликтүү жумушка орноштуруп келебиз. Анталья шаарынын мейманканаларына жөнөтөбүз. Кыргыз жарандарынын мүмкүнчүлүгүнө жараша ар кандай жумуш орун менен камсыз кылабыз. 18 жаштан 50 жашка чейинки жарандарды кабыл алабыз. Ал жакта 8 саат иштеп, 1 күн эс алышат. Минималдуу айлыгы 400 доллар. Андан сырткары, "чаевые", кошумча бонустар болот. Мейманканада иштегендердин жатаканасы, 3 маал тамак-ашы бекер болот. Бул акча 100 пайыз чөнтөккө түшөт дегендик", - дейт.

Наристе Рамисова "түрк тилин билбей 5 жылдыздуу мейманканага жумушка баргам. 8 саат иштеп, жумасына 1 күн эс алчубуз. Өзүм үчүн жакшы тажрыйба алып келдим", - дейт.

Саида Шамарнова 4 жылдан бери Түркияга барып иштеп келгенин жана бош убакытта кооз шаарларды көрүп, соода кылып, эс алууга да убакыт табыларын айтат.

Ал эми Өмүрбек Мелисбеков 3 жылдан бери иштеп келерин жана ал жакта шарт жакшылыгын баса белгилеп өттү. "Жумуштан сырткары ойноо үчүн теннис, футбол ойноочу жайлар каралган. Ал жактан көп нерсени өздөштүрдүм, түрк тилин үйрөндүм", - дейт.

Жыйынтык сөздө агенттиктин негиздөөчүсү Бейшенбек Аскаров "бизге барганда жумушка орношомбу, көчөдө калбаймынбы?" деп көп сүрөшөт. "Чет жакка барып иштей турган мекендештер атайын уруксат кагазы бар агенттиктер аркылуу барышса, көчөдө калышпайт", - дейт ал.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
138115;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: