super.kg logo

ЭЛДИК КАБАРга жооп: "Информатикадан сабак берген мугалимдер кошумча каражатты кайтарып бербейт" дейт министрликтен

 

Сузактагы мектептерде информатикадан сабак берген мугалимдерге ден соолугуна келтирилген зыян үчүн деп төлөнгөн кошумча каражатты кайтарып берүүсүн талап кылып жатканын окурман "Элдик кабарга" билдирген. Бул боюнча Билим берүү жана илим министрлигине кайрылганыбызда, маянага кошулган акча кайтарылбайт дейт.

"Бул маселе сентябрь айында талкууланып, министрлик түшүндүрмө берген. Ага ылайык, Жалал-Абад облусунун Сузак районундагы информатика мугалимдери акыркы үч жылдагы эмгек маянасына ден соолугуна келтирилген зыян үчүн деп төлөнгөн каражатты кайтарып бербейт. Себеби Эмгек кодексине ылайык, арифметикалык катадан башка туура эмес эсептелген эмгек акы кайтарылбайт экен. Бул боюнча Сузак райондук билим берүү башкармалыгына айтылган. Министрликтин бул билдирүүсүнөн кийин деле мугалимдерден кошумча каражатты талап кылуу токтобой жатса, мугалимдер расмий түрдө министрликке кат жазып, акыркы жолу качан талап кылганын көрсөтүшү керек. Ошондо биз райондук билим берүү башкармалыгындагы айрым кызматкерлерге карата тиешелүү чара колдонобуз.

Буга чейин мугалимдердин айлыгына 15 пайыз кошулуп берилген каражат Экология жана техникалык коопсуздук инспекциясынын тийиштүү уруксаты жок Сузак райондук билим берүү башкармалыгынын кызматкерлеринин катачылыгы менен которулган. Ал кызматкердин иши териштирилген", - деди маалымат кызматынан.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136282;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: