super.kg logo

Жалал-Абадда 19 жаштагы сатуучуну бычак менен коркутуп, акча талап кылган жаран кармалды

 

Жалал-Абад шаарындагы дарыкананын сатуучусунун мойнуна бычак такап, акча талап кылган жаран кармалды. Шектүүнүн бир нече уурулук иштерине катыштыгы бар экендиги аныкталганын облустук Ички иштер бөлүмүнүн маалымат кызматынан билдирди.

"15-ноябрда саат 20:30 чамасында Жалал-Абад шаарындагы дарыканалардын бирине медициналык маска тагынган болжол менен 20-25 жаштагы 2 жаран кирген. Алар сатуучуну коркутушуп, мойнуна бычак такап, кассада турган 15 миң сом накталай акчасын алып чыгып, белгисиз тарапка изин жашырышкан. Бул тууралуу Жалал-Абад ШИИБине Сузак районунун 2000-жылы туулган К.А. аттуу тургуну арыз менен кайрылган.

Бул факт Кылмыштардын жана жоруктардын бирдиктүү реестрине 202-берене (каракчылык) менен катталып, сотко чейинки өндүрүш иши ачылган.

Ыкчам иликтөө иш-чараларынын алкагында, шектүү катары Сузак районунун 1997-жылы туулган М.Ф. аттуу тургуну Ош шаарынын аймагында жашынып жүргөн жеринен кармалган. Кошумча тергөөнүн жүрүшүндө шектүү Жалал-Абад шаарынын аймагында 11-17-ноябрь аралыгында 4 уурулук жасагандыгы аныкталган. Ал бул иштерди өзүнүн шериги Сузак районунун тургуну 1976-жылы туулган М.М. менен бирге жасагандыгы боюнча көрсөтмө берген", - деди басма сөз кызматынан.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136295;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: