реклама
super.kg logo

Бир жарым жылдан бери ТЭЦ иши боюнча абакта жаткан парламент депутаты Осмонбек Артыкбаевдин коррупция боюнча күнөөсү далилденген жок

 

Свердлов райондук сотунда Бишкек ЖЭБин модернизациялоого байланыштуу иш боюнча сот процесси уланды.

Отурумдун жүрүшүндөгү жарыш сөз мезгилинде мамлекеттик айыптоочу парламенттин депутаты Осмонбек Артыкбаевге карата коюлуп жаткан «коррупция» беренесин анын күнөөсү далилденбегендигине байланыштуу «кызмат абалынан кыянаттык менен пайдалануу» беренесине алмаштырууну өтүндү.

Ошондой эле прокурор соттон Артыкбаевдин ден соолугун, ошондой эле Эксимбанктан алынган насыяны жабуу үчүн анын туугандары өз каалоосу менен 100 миллион сом суммадагы акча каражатын Башкы прокуратуранын бирдиктүү эсебине салгандыгын эске алууну дагы сурады.

Мамлекеттик айыптоочу «коррупция» беренеси боюнча Артыкбаевдин күнөөсү далилденбегендигин баса белгиледи. Прокурор соттон Артыкбаевге 5 миллион сомду мамлекеттин пайдасына төгүү жазасын чегерүүнү сурады. Прокурор ошондой эле Артыкбаевди сот залынан бошотууну өтүндү. Эске салсак, 2019-жылдын 26-ноябрында Артыкбаевдин туугандарынын бири Башкы прокуратуранын бирдиктүү эсебине 100 миллион сом салган. Бул каражаттар Эксимбанктан алынган «Электр станциялары» ААКнын насыясын жабууга жумшалат.

Артыкбаевдин жактоочусу Рабига Садыкованын айтуусунда, Бишкек ЖЭБин модернизациялоо долбоору боюнча чечим Артыкбаев министр болуп дайындалганга чейин эле жогорку деңгээлде кабыл алынган. Андан тышкары, Артыкбаев Бишкек ЖЭБин модернизациялоого дагы катышкан эмес. Ал модернизациялоо башталганга чейин эле кызматтан бошотулган.

Жалпыга белгилүү болгондой, Артыкбаев өзүнүн бизнесин мамлекеттик кызматка келгенге чейин 1995-жылы түптөгөн. Белгилей кетсек, соттук отурумдарга Осмонбек Артыкбаевди коляска менен алып келип жатышат, анткени ага өз алдынча басып келүүгө оор болууда. Бир жыл ичинде Осмонбек Артыкбаев эки ирет кыр аркасынан операция болду.


кошулду


 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.

“Көз караш”, “Эмгек жарчысы”, "Бизнес-Инфо" рубрикаларында чыккан материалдардын маани-маңызы үчүн интернет-порталдын администрациясы жооп бербейт. Жарнамалык материалдардын маңызы үчүн жарнама берүүчү өзү жоопкер.

 Рубрикадагы соңку кабарлар 

Рейтинг: Рейтинг -3 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
144617;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: