super.kg logo
  Саясат  

Депутат маанилүү мыйзам долбоорун кароодо жетекчилер келбей, статс-катчыны жибергенине нааразы болду

 

"Маанилүү мыйзам долбоорун кароодо жетекчилердин бирөө келип түшүндүрүшү керек, бирок статс-катчы эмес", - деп бүгүн, 26-ноябрда Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин регламенти боюнча комитеттин жыйынында депутат Мыктыбек Абдылдаев билдирди.

Комитет жыйынында "Сот арачылар сотун киргизүү маселелери боюнча Кыргыз Республикасынын айрым мыйзам актыларына өзгөртүүлөрдү киргизүү жөнүндө" мыйзамынын долбоору биринчи окууда каралды.

Жогорку сотко караштуу Сот департаментинин статс-катчысы мыйзам долбоору боюнча маалымат берди.

"Бизде сот реформасын караган атайын кеңеш бар. Ал кеңеш чечпесе, биз кантип чечебиз? Ал жакта Исабаев, Сабиров, Калиев, Жамшитов, Жээнбаева, Жаманкулов, Керезбеков жана башкалар бар экен. Алгач алар жылдырабыз же жок деп чечиши керек. Алар чече электе статс-катчынын маалыматы менен алардын башын аттап чечип коё бересиңерби?

Сотто жалгыз төрагалык кылып отурган сот эч нерсе чече албай калат. Мыйзам боюнча 9 сот арачы турат, алардын пикири менен анан чечим чыгат. Бул маселе жыйында каралды беле?", - деди депутат.

Буга Юстиция министри Марат Жаманкулов: "Жыйын болгон, тиешелүү документтер өкмөттүн апаратында бар, ошону берели”, - деди.

"Муну жетекчилердин бирөө келип түшүндүрүшү керек. Бирок статс-катчы эмес. Бул чечимди кабыл алуу менен көп нерсе өзгөрөт. Мен январь айында эле “колуңардан келбейт” дегем. Ошондо пилоттук долбоор ишке ашат, ал Бишкекте жана Ошто иштей баштайт деп айтылган. Анан кимге ишенебиз?", - деп кошумчалады депутат



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136282;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: