super.kg logo
«Жылдын супер актрисасы»

Жыйынтык

Башка сурамжылоолор


  Спорт  

Александр Крестинин: "Биз ар бир оюн сайын алдыга өсүүдөбүз"

 

Бүгүн, 18-ноябрда Кыргыз өлкөсү менен Тажикстан беттешинин алдында командалардын башкы машыктыруучуларынын катышуусунда маалымат жыйын өттү. Анда Кыргыз курама командасынын башкы машыктыруучусу Александр Крестинин журналисттердин суроолоруна жооп берди.

- Тажикстан курамасы толугу менен Бишкекке келе элек экендиги Кыргыз командасы үчүн кандай таасир берет?

- Бул Тажик тараптын көйгөйү. Биз үчүн кандай таасир берерин билбейм. Биз өзүбүздүн оюнубузду карайбыз. Акыркы эки оюнда утулуп калдык, эми упай алышыбыз керек.

- Япония менен болгон оюнда эмнеге гол киргизе албай калдык?

- Ал оюнда 4 кооптуу абал жараттык, япондор үчтү жаратышты. Биз гол киргизе албай калдык, алар ийгиликтүү болду. Дарбазага соккуларды узатып жаттык, япон дарбазачысы мыкты ойноду. Япония менен Азия Кубогунан кийин биз сыяктуу ойногон команда болгон эмес. Командабыз аларды коргонууда ойноого мажбурлады, бир гана дарбазага таамай боло албай калдык. Монголия менен болгон оюндагы 1-таймда 4 гол киргизмекпиз, бирок эки гана гол киргизе алдык. Бул футболчулардын чеберчилигинен көз каранды.

- Эртеңки оюндан эмнени күтүп жатасыз?

- Маанай жакшы. Япония менен болгон оюнда бардыгы ойдогудай болгон жок, бирок, эртең биз ийгиликтүү болобуз деп ишенем.

- Люкс менен Сагынбаев оюнга чыга алышабы?

- Бекжан толугу менен айыкты. Ал оор жаракат алган эмес. Люкс дагы өз калыбында. Бардык футболчулар даяр.

- Тажикстан курама командасы канчалык күчтүү?

- Биз үчүн эң күчтүү атаандаш - бул өзүбүз. Дүйшөмбү шаарында өткөн оюн мен улуттук курамга машыктыруучу болуп келгенден бери эң алсыз оюнубуз деп айта алам. Эми андай каталарды кетирбейбиз. Ал оюн сентябрда болгон, андан кийин биз бир канча оюн өткөрдүк. Ар бир оюн сайын команда алдыга өсүүдө.

- Курамдагы дарбазачылардын атаандаштык жөнүндө...

- Азыркы учурда Кашуба бардыгынан эң күчтүү дарбазачы болуп эсептелинет. Кутман Кадырбеков Япония менен болгон беттешке бардык жагынан даяр болчу, ошондуктан негизги курам менен чыкты. Азыркы учурда Кашуба Калыс Акималиевден мыкты.



Футбол боюнча Кыргыз-Тажик беттешинин алдында маалымат жыйын өттү

Автор: Амирбек Исмаилов
Оператор: Элчибек Кыштообаев
 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(4)
18.11.2019. 18:00 
Тайпасы:
Жаран
Комментарийлердин саны:
356
Катталган:
20-07-2016
Соӊку аракети:
09-12-2019 19:16
Жынысы:
Белгисиз
Калаасы:
Аксы
+8
Азамат футбол коргондой болуп атам ар бир оюнда
18.11.2019. 18:51 
Тайпасы:
Жаран
Комментарийлердин саны:
97
Катталган:
24-07-2019
Соӊку аракети:
09-12-2019 19:03
Жынысы:
Белгисиз
+4
Алыкулов красавчик!Неймар Мбаппелерди токтотуп жургон Марсельдин коргоочусу Сакаи ден жон эле отуп кетип атты.
Super TV
18.11.2019. 19:01 
Тайпасы:
Жаран
Комментарийлердин саны:
198
Катталган:
23-06-2016
Соӊку аракети:
08-12-2019 12:06
Жынысы:
Белгисиз
Калаасы:
озгон
0
Урматтуу кыргыз футболчулары эми намыска бек туруңуздар!
19.11.2019. 08:50 
Тайпасы:
Жаран
Комментарийлердин саны:
18
Катталган:
10-08-2019
Соӊку аракети:
01-12-2019 15:26
Жынысы:
Белгисиз
+4
Чынын айтканда Кыргызстан курамасынын оюндары футбол күйөрмандарына майрам тартуулап келүүдө. Команданын оюнун көрүп, күйөрмандык кылып канааттануу менен кийинки оюндарды күтүүдөбүз. Бүгүнкү оюнда жалаң гана утушту күтүп атабыз. Алга Ак шумкарлар!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
134745;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: