super.kg logo
«Жылдын супер көк бөрүчүсү»

Жыйынтык

Башка сурамжылоолор


  Саясат  

Депутат Акылбек Жапаров: "Президенттин бюджетти толтуруу убадасы аткарылып жатат". КҮНСОБОЛ

 

Кечээ, 14-ноябрда Жогорку Кеңеш 2020-жылдын бюджетинин долбоорун биринчи окууда карады. Анда премьер-министр Мухаммедкалый Абылгазиев 2020-жылы республикалык бюджеттин тартыштыгы 9 миллиард 945 миллион сомду түзө турганын билдирди.

2017-жылы президенттик шайлоого үгүт учурунда азыркы мамлекет башчы Сооронбай Жээнбеков бюджетти толтуруунун жолдорун биле турганын айтып, ички ресурстары бар экенин билдирген.

SUPER.KG порталы "Өкмөттүн 2020-жылга карата бюджет долбоорунда казынанын тартыштыгы дээрлик 10 миллиард сомду түзөт. Сооронбай Жээнбеков элге үгүт маалында бюджетти толтуруунун жолдорун билем деп айткан. Эки жыл ичинде ал убада аткарылдыбы?" деген собол салды.

Жогорку Кеңештин депутаты Акылбек Жапаров убада аткарылып жатат деген оюн айтты.

"Бюджетти толтуруп жатышат. Эки жылдан бери Сооронбай Жээнбековдун айткан сөзү менен биз жалаң өзүбүздүн алган кирешебиз менен гана жашап келе жатабыз. Бюджет тартыштыгы жок турмуш курсак болот. "Бир Бол" фракциясы бюджет тартыштыгын жоюу боюнча өзүнүн сунушун берди. Андан тышкары, бюджеттин киреше бөлүгүн 25-30 миллиард сомго көбөйтүү жолдорун айтып бердик. Бюджет боюнча мыйзам долбоору экинчи окууга келгенде, 25-30 миллиард сомду жалаң өнүгүүгө жумшайлы деген сунушубузду беребиз", - дейт Жапаров.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -2 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
134796;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: