super.kg logo

Венецияны суу ташкыны каптады. Шаарда чукул кырдаал жарыяланышы мүмкүн

 

Венецияда суу ташкыны шаардын 80 пайызын каптап, акыркы 50 жылда суунун деңгээли 187 сантиметрге көтөрүлдү. Мындай көрүнүш соңку ирет 1966-жылы гана болгон. Бул тууралуу чет элдик маалымат булактары жазып чыкты.

Шаардын тарыхый борборун толугу менен суу каптаган. "Ыйык Марк" аянтындагы суунун деңгээли бир метрге жетет. Белгилүү "Ыйык Марк" чиркөөсүн да суу каптаган. Туристтер, жашоочулар мейманканаларга жана үйлөрүнө терезе аркылуу кирүүгө аргасыз болууда, себеби подъезддер да сууга толгон.

78 жаштагы Венециянын жашоочусу үйүн суу каптаганда, электр тогуна урулуп каза болгону да айтылууда.

Шаар мэри Луиджи Бруньяро суунун деңгээлинин көбөйүүсү көпкө жааган жамгырдын кесепетинен улам болгонун билдирген. Анын айтымында, бийлик келтирилген зыянды эсептөөнү баштады.

Орточо эсеп менен Венецияда ар төрт жылда жазында жана күзүндө суунун деңгээли көтөрүлүп турат. Бул деңиз деңгээлинин көтөрүлүүсү жана жаан-чачынга байланыштуу. Адатта суу 110 сантиметрге чейин эле көтөрүлүп турат.

Италиянын түндүк-чыгышында жайгашкан Венеция дүйнөнүн төрт тарабынан туристтер агылып барган шаарлардын бири.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
137545;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: