super.kg logo

Бишкекте жаңы мектепке которулган окуучу адашып кетти. Милиция кызматкерлери аны ата-энесине аман-эсен өткөрүп беришти

 

Бишкекте 9 жаштагы бала үйүнө барчу жолду таппай, адашып кетти. Ал жаңы мектепке которулгандыктан, адашып кеткенин Бишкек ШИИББинин басма сөз кызматынан кабарлашты.

Кечээ, 12-ноябрда саат 18:00дө Свердлов райондук патрулдук милиция кызматкерлерине окуучу бала чуркап келип, адашып кеткенин айткан. Окуучу шаардык Ички иштер башкы башкармалыгына алынып келген. 2010-жылы туулган К. А. аттуу окуучу бала борбордогу мектептердин биринде 3-класста окуй турганы аныкталган. Башталгыч класстын окуучусу буга чейин башка мектепте билим алып келгенин айткан. Экинчи чейректен баштап башка мектепке которулганын, мындан улам үйүнө барчу жолду таппай калганын билдирген. Свердлов РИИБинин өспүрүмдөр менен иштөө инспектору окуучуну ата-энесине аман-эсен өткөрүп беришкен.

Бишкек ШИИББи бардык ата-энелерге кайрылат.

"Балдарыңыздардын күндөлүгүнө жашап жаткан дарегиңиздерди, телефон номерлериңизди так жазууңуздарды суранабыз. Эгерде номериңиздерди алмаштырып же жашаган жериңиздерди которсоңуздар толуктап коюуңуздарды өтүнөбүз".



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136336;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: