super.kg logo

Калыс-Ордо конушунда патрулдук милициядан качам деген айдоочу электр мамысын сүзүп токтоду

 

Кечээ, 10-ноябрда Бишкектин четиндеги Калыс-Ордо конушунда жеңил унаанын айдоочусу патрулдук милициядан качам деп, жолдогу мамыны сүзүп токтоду. Буга SUPER.KG порталынын кабарчысы күбө болду. Ага ылайык, жол кырсыгы болжол менен саат 16:00до катталган. Калыс-Ордонун жашоочулары конушта эрежени одоно бузган айдоочу жүргөндүгүн айтып, патрулдук милицияга кайрылышкан.

"Патрулдук милиция чакырууну кабыл алып, конушка киргенде Ауди А6 маркасындагы унаанын айдоочусу жол кыймыл эрежелерин одоно бузуу менен жаш балдардын коопсуздугуна коркунуч жаратып жатканын көргөн. Алар айдоочуга токтош керектигин билдиргенде, жеңил унаанын айдоочусу качканга аракет кылган. Катуу ылдамдыкта келе жатып көчөдөн бурулам деп, кесилиштеги электр мамыны сүзүп токтогон. Ошол маалда жеңил унаанын ичинде айдоочунун аялы жана жаш баласы бар болгон", - деп айтылат маалыматта.

Ал эми патрулдук милициянын кызматкери окуя тууралуу төмөндөгүдөй түшүндүрдү: "Бизге айдоочу тууралуу маалыматты конуштун жашоочулары билдирген. Жакын жерде болгондуктан тез эле келдик. Чынында унааны айдаган абалына карап, мас болушу мүмкүн экендигин билдик. Бирок айдоочу биздин эскертүүлөргө баш ийген жок. Унаанын алдында жаш бала бар экенин көрдүк. Көчөлөрдүн кесилишине келгенде, рулду башкара албай мамыны сүзүп токтоду. Ичиндегилер жабыркаган жок. Протокол түзүү учурунда айдоочу бизге одоно мамиле жасап, ишти үзгүлтүккө учуратууга аракет жасады. Учурда айдоочу "наркологиялык борборго" алкоголдун деңгээлин текшертүү үчүн жөнөтүлдү", - деди инспектор.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(1)
11.11.2019. 13:07 
Тайпасы:
Жаран
Комментарийлердин саны:
1077
Катталган:
08-07-2011
Соӊку аракети:
28-02-2020 23:34
Жынысы:
Белгисиз
+1
Жиндилер коп.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
138115;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: