super.kg logo
«Жылдын супер дебюту»

Жыйынтык

Башка сурамжылоолор


  Саясат  

Депутат Кыргыз мамлекети эгемендикке ээ болгондон бери эл аралык каржы донорлорунан канча гранттык жана насыялык каражат алганын сурады

 

Бүгүн, 28-октябрда Жогорку Кеңештин комитет жыйынында депутат Сайдулла Нышанов Кыргыз мамлекети эгемендикке ээ болгондон бери эл аралык каржы донорлорунан канча гранттык жана насыялык каражат алганын сурады. Эл өкүлү каражат кайсы тармактарга көбүрөөк жумшалганына кызыкты.

Экономика министри Санжар Мукамбетов Кыргыз өлкөсү 1991-жылдан бери 2 миллиард 8 миллион доллар гранттык каражат жана 7 миллиард 3 миллион доллар жеңилдетилген насыя алганын айтты. “Өлкөнүн энергетика тармагына 2 миллиард 147 миллион доллар алынган. Негизги көйгөй тариф маселесине барып такалууда. Азыр аны тактоо боюнча ар кандай сунуштар түшүп жатат. Биз оптималдуу вариантын тандап алышыбыз керек”, - деди ал.

Депутат Кыргыз мамлекетинин 124 миллиард сом насыя алганын, анын ичинде энергетика тармагына эле 104 миллиард сом жумшалганын эске салып, азыркыга чейин бул маселе боюнча так көз караш жок экенин белгиледи. “Жарандарыбыз электр энергиясы үчүн 2,16 жана 77 тыйындан төлөп келет. Киреше алуу үчүн бирдиктүү тарифке өтүшүбүз керек”, - деп кошумчалады Сайдулла Нышанов.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
133781;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: