super.kg logo
«Жылдын супер ырчы мырзасы»

Жыйынтык

Башка сурамжылоолор


  Саясат  

Вице-спикер Мирлан Бакиров: "Орусиянын Кыргыз өлкөсүнө акча которуу боюнча чектөөнү калтырганы биз үчүн дагы күтүүсүз болду". КҮНСОБОЛ

 

Быйыл апрель айында Орусиядан Кыргыз мамлекетине акча которууга айына 100 миң рубль көлөмүндөгү чектөө киргизилген. Өткөн аптада Москва шаарында Евразиялык өкмөттөр аралык кеңештин кезектеги жыйыны өтүп, ага премьер-министр Мухаммедкалый Абылгазиев катышты. Анда кыргыз тараптан чектөөнү алып салуу боюнча демилге көтөрүлгөн. Бирок эч кандай чечим кабыл алынбай, бул маселе Евразия өкмөт аралык кеңешинин кийинки жыйынында карала турган болду.

SUPER.KG порталы "Орусия Кыргыз өлкөсүнө акча которууга киргизген 100 миң рубль көлөмүндөгү чектөөнү күчүндө калтырды. Бул ЕАЭБдин экономикалык эмес, саясий максатта түзүлгөнүнүн далилиби?" деген собол салды.

Вице-спикер Мирлан Бакиров ЕАЭБ алкагында тең укуктуулук сакталбай жатканы байкалып турат деген пикирин айтты. "ЕАЭБге мүчө мамлекеттери үчүн бардык шарттар тең укукта болушу керек. Буга негизинен капитал жүргүзүү, жарандардын кирип-чыгышы жана соода-сатык кирет. Алсак, башка өнөктөш өлкөлөр үчүн конкреттүү 100 миң рубль деген чектөө коюлган эмес. Чектөө болсо дагы мындай аз суммада эмес. Мен билгенден Арменияда акча которуу суммасы бир топ эле жогору. Жакында Бишкек шаарында Евразиялык экономикалык аймактын өкүлдөрү катышкан отурумда дагы бул маселе көтөрүлгөн. Ал отурумдан кийин дагы ушундай чечим кабыл алынганы мен үчүн дагы деле түшүнүксүз болуп жатат. Бул жерде тең укуктуулук сакталбай турганы байкалып турат. Эми биздин жарандар үчүн маанилүү болгон бул маселе кайрадан көтөрүлөт", - деди вице-спикер.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -1 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
133781;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: