super.kg logo
«Жылдын супер тасмасы»

Жыйынтык

Башка сурамжылоолор


  Саясат  

"Замандаш" саясий партиясынын лидери Жеңиш Молдокматов: "Парламентке өтүү босого чегин 3 пайызга чейин төмөндөтүүгө каршымын". КҮНСОБОЛ

 

Парламенттик шайлоо 2020-жылы 4-октябрда өтөрү күтүлүүдө. Кечээ, 22-октябрда бир топ саясий партиялардын лидерлери, саясатчылар чогулуп, шайлоо боюнча мыйзамдагы жаңыдан киргизилген өзгөртүүлөр тууралуу талкуулашты. Анда "Ата Мекен" партиясынын лидери Өмүрбек Текебаев парламентке өтүү үчүн босого чегин 3 пайызга чейин төмөндөтүү керектигин айтты.

Мындан улам SUPER.KG порталы "Жогорку Кеңешке келүү үчүн босоголук чекти 3 пайызга түшүрүү сунушталып жатат. Колдоо керекпи?" деген собол салды.

"Замандаш" саясий партиясынын лидери Жеңиш Молдокматов парламентке өтүү босого чегин 3 пайызга чейин төмөндөтүүгө каршы экенин айтты. "Босоголук чекти талкуулаганда жалпы шайлоо мыйзамдарын талдаганда өтө кылдат болушубуз керек. Босолук чекти 3 пайызга түшүрүү боюнча сунуштарын белгилүү саясатчылар айтышты. Бирок мен буга каршымын. 5 пайыздык босого чеги болсо нормалдуу көрүнүш. Эгерде шайлоочулардын санын 1 жарым миллион деп алсак, 3 пайыздык босого чеги боюнча 50 миң добуш болуп калат. Анда парламентте анархия болот. 5 пайыз болсо 100 миң добуштун тегерегинде болот экен. Бул туруктуу түзүмдөрү бекиген, түзүмү күчтүү партиялардын парламентке келишине жол ачат. 2010-жылдагы парламенттик шайлоону эске алсак, 100 миң добуш алып, өтпөй калган партиялар болгон. Кээ бирөөлөр босого чегин алып салалы деп жатышат. Анда шайлоону өткөрүп эмне кылабыз?

9 пайыздык босого чеги боюнча демилгени 5-чакырылыштын депутаттары, ошол жакта отурган фракция лидерлери көтөрүп чыккан. Бул 2013-жылы башталган. 2016-жылы 6-чакырылыштын 6 фракциянын депутаттарынын бардыгы 9 пайыздык босого чегин колдоп беришкен. 100дөн кем эмес депутат "макул" деп добуш берген. Фракция лидерлери демилгелеп көтөрүп чыккан 9 пайыздык босого чеги бекигенден кийин, алардын буга кайра каршы чыккандарын түшүнгөн жокмун. Эмнеге позицияларын алмаштырышты? Мүмкүн жүйөлүү себептери бар чыгар. Коомчулук парламентти эмнеге сындап жатат. Анткени алардын туруктуу позициясы жок болуп жатат", - дейт Молдокматов.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
133760;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: