super.kg logo

Памирде жашаган этникалык кыргыздарга гуманитардык жардам жеткирилди

 

Ооганстандагы Кичи жана Улуу Памир аймагында жашаган этникалык кыргыздарга Кыргыз өлкөсүнөн гуманитардык жардам жеткирилди. Бул тууралуу өкмөттүн маалымат кызматынан билдиришти.

Гуманитардык экспедиция памирлик кыргыздарга азык-түлүк, жылуу кийим-кече, жылытуу мештери, дары-дармек, медициналык буюмдар жана башка эң керектүү болгон товарларды жеткирди. Бул үчүн Кыргыз өкмөтү 5 миллион сом бөлгөн. Жалпы жүктүн салмагы 70 тоннаны түздү.

Гуманитардык экспедициянын курамындагы медицина кызматкерлери ал жактагы элди медициналык кароодон өткөрүп, төрөт кабыл алып жана катуу ооруп жаткандарга жардам көрсөтүштү.

Мындан тышкары, гуманитардык экспедициянын мүчөлөрү Кичи жана Улуу Памирдин тургундары менен жолугушуу өткөрүп, анда Кыргыз Республикасынын аймагынан балдарына билим берүү маселесин талкуулашты. Кыргыз тарап бул маселеге жардам берүүгө даяр экендигин билдиришти.

Памирлик кыргыздар Кыргыз Республикасынын бийлигине жана элине колдоо көрсөткөнү жана берген жардам үчүн ыраазычылыктарын билдиришти.

Экспедициянын мүчөлөрүн Ооганстан аймагынан аталган мамлекеттин Тышкы иштер министрлигинин, миграциялык кызматтын, Бадахшан провинциясынын жана Вахан районунун администрациясынын өкүлдөрү жана премьер-министринин этникалык кыргыздар маселеси боюнча кеңешчиси Ажи Махмуд тосуп алды.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(2)
18.10.2019. 14:25 
Тайпасы:
Жаран
Комментарийлердин саны:
117
Катталган:
21-09-2012
Соӊку аракети:
14-01-2020 19:39
Жынысы:
Белгисиз
-1
Озубуздо канчалагандар ачка ток журушот.
18.10.2019. 17:00 
Тайпасы:
Жаран
Комментарийлердин саны:
380
Катталган:
14-02-2016
Соӊку аракети:
29-01-2020 14:40
Жынысы:
Белгисиз
0
Бир нерсе кылса эле тетири жагынан айтып чыга калат экен ушу коментериий калтыргандар. Силер кылбагандан кийин олтура берчи азаматсынар деп колду чаап
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
137713;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: